web counter
LEXO PA REKLAMA!

SHKARKO APP

App Store
Google Play

E fundit!

x

Europiani me Serbinë, Duka: Futbolli jep mesazh për paqen, kam lobuar për njohjen e Kosovës

27 Maj 2024, 10:47, Sport CNA

Europiani me Serbinë, Duka: Futbolli jep mesazh për paqen, kam lobuar

Presidenti i FSHF, Armand Duka, foli për mundësinë e organizimit të Europianit për U-21, në bashkëpunim me Federatën Serbe.

Në Asamblenë e Përgjithshme, Duka deklaroi se infrastruktura nuk e lejonte organizimin i vetëm, ndërsa shtoi se futbolli jep mesazhe paqeje në një kohë të vështirë.

"Kërkuam të organizojmë Europianin e 2027, për U-21. Kjo është arritja më e madhe për ne. Ne aplikuam si kandidatë vetë, por sipas rregullores në UEFA, aty aplikuan Belgjika, Turqia dhe Serbia. Shanset për ta fituar të vetëm ishin më të pakta, si për ne, ashtu edhe për Serbinë. Do të donim zgjedhje të tjera, por infrastruktura nuk e plotësonte. Për Europianin, kemi interes.

Ne i bëmë një shërbim të madh vendit, duke konfirmuar futjen e Shqipërisë te vendet organizatore. Në këtë mënyrë, ekipi ynë futet automatikisht në Europian. Jemi menduar gjatë për të bashkëpunuar me Federatën Serbe. Cili më shumë se futbolli, mund të japë mesazhe paqeje në një moment ku luftërat janë realitet i trishtë. Ky kërcënim po afrohet shumë dhe të gjithë duhet të bëjmë përpjekjet tona për ta minimizuar. Mesazhi ynë është i paqes. Sidomos për vendet problematike dhe rajone si ky i yni. Kjo i shërben edhe njohjes së Kosovës", tha Duka.

Numri 1 i qeverisë së futbollit në vend deklaroi se gjithmonë e ka mbështetur Kosovën, madje ka lobuar për njohjen në FIFA dhe UEFA.

"Gjej rastin të konfirmoj qëndrimin tim në lidhje me Kosovën. Ka qenë i pandryshueshëm që nga dita e parë. Kam bërë të pamundurën për të mbështetur Kosovën. Kam lobuar fuqishëm për njohjen e saj në UEFA dhe FIFA, deri në njohjen me të drejta të plota. Marrëdhëniet janë më shumë se vëllazërore", u shpreh Duka.

 





Lajmet e fundit nga