E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Armand Duka: Kombëtarja shqiptare shkroi historinë, do të vijmë fitimtarë nga Europiani

27 Maj 2024, 10:37, Sport CNA

Armand Duka: Kombëtarja shqiptare shkroi historinë, do të

Presidenti i Federatës Shqiptare të Futbollit, Armand Duka, foli në Asamblenë e Përgjithshme të Zakonshme, ku tha se futbolli ka dhënë emocione të mëdha gjatë një viti, duke kaluar edhe kufijtë.

Duka theksoi se Kombëtarja shqiptare u kualifikua në Europian nga një grup shumë i fortë, ndërsa shtroi se edhe në Gjermani, do të kërkohet suksesi.

"Periudha mes dy asambleve është intensive e mbushur me ngjarje dhe emocione të mëdha. Kemi pasur ndjesi që vetëm futbolli mund t'i dhurojë.

Krenari që këtë periudhë i kaloi jo vetëm caqet e stadiumeve, por edhe kufijtë e Shqipërisë. Në çdo vend kishte hare dhe festë, që vetëm futbolli e ofron. Asnjë organizatë politike dhe asgjë nuk e ofron këtë si futbolli.

Shqipëria u kualifikua për herë të dytë në Europian. U renditëm të parët në grup, duke dhuruar lojëra spektakolare dhe me shumë emocione. Këto janë arritje të mëdha për Shqipërinë. Këta djem janë futur në histori. Shorti na kishte vendosur në një grup shumë të vështirë.

Skuadra u bë e papërmbajtshme. Reagoi në mënyrë të shkëlqyer. Në grup të Europianit kemi kundërshtarë të fortë dhe jemi në grupin e hekurt. Nuk kemi frikë asnjë. Vlerësojmë kundërshtarët, por do të japim më të mirën. Kemi një qëllim, të rikthehemi fitimtarë. Çfarëdo që të jetë rezultati, ne do të jemi fitimtarë.

Stafi teknik me Silvinjon në krye dhe FSHF, po përgatiten në detaje, si për fushatën përgatitore, ashtu edhe për ndeshjet. Jemi gati për të nisur fushatën tonë, ku të gjithë janë të ftuar për të festuar suksesin e përbashkët.

Këtë vit vëmendja ishte te "Final Four", aplikimi rezultoi i suksesshëm. Kampionati kishte diskutimet e veta, por skuadrat dhanë përgjigje pozitive.

Urime Egantias për titullin, por edhe Partizani duhet të ndihet i fituar për atë që dha në fushë", tha Duka.