web counter
LEXO PA REKLAMA!

SHKARKO APP

App Store
Google Play

E fundit!

x

Ronaldo thyen rekordin, futet në histori në Arabinë Saudite

28 Maj 2024, 11:47, Sport CNA

Ronaldo thyen rekordin, futet në histori në Arabinë Saudite

Cristiano Ronaldo bën histori në çdo vend ku luan dhe nuk kishte si të ndodhte ndryshe edhe në Arabinë Saudite.

Sulmuesi portugez shkëlqeu në ndeshjen e fundit të kampionatit me Al Nassr, ku realizoi dopietë golash, në fitoren 4-2 ndaj Al Itihad.

Me dy golat e shënuar, Ronaldo shënoi emrin e tij në historinë e futbollit saudit, si lojtari me më shumë gola të shënuar brenda një sezoni të vetëm.

Luzitani e mbylli kampionatin me 35 gola, duke thyer rekordin e mëparshëm, që mbahej nga Hamdallah, me 34 gola në sezonin 2017-2018.

Ndonëse me 39 vite mbi supe, Ronaldo nuk ka ndërmend të ndalet dhe vazhdon të impresionojë me formën e tij.

Sulmuesi fitoi "Këpucën e Artë" në Ligën Saudite, me 35 gola, plot shtatë gola më shumë se ndjekësi i tij më i afërt, Mitroviç.

Me këtë sukses, Ronaldo u bë lojtari i parë, që shpallet golashënuesi më i mirë në tri shtete të ndryshme, pasi më parë e kishte arritur në Spanjë, Itali dhe Angli.

Futbollisti fillon të mendojë për sezonin e ardhshëm, ku synimi është titulli kampion, pasi në dy edicionet e fundit, nuk ia ka dalë të mposhtë konkurrencën e Al Itihad dhe Al Hilal.

Në kampionatin që sapo u mbyll, Al Nassr e mbylli në vendin e dytë në renditje me 82 pikë, plot 14 pikë më pak se kampionët e Al Hilal.

Pritet që skuadra e Ronaldos të bëjë lëvizje të rëndësishme në merkaton e verës, siç ka ndodhur edhe në vitet e kaluara, ku kanë bërë afrime të bujshme, me emra të njohur nga Evropa.





Lajmet e fundit nga