web counter
LEXO PA REKLAMA!

SHKARKO APP

App Store
Google Play

U la jashtë listës, menaxheri i Uzunit: Nuk e meritonte këtë, ka statistika më të mira se 5 sulmuesit

28 Maj 2024, 11:43, Sport CNA

U la jashtë listës, menaxheri i Uzunit: Nuk e meritonte

Myrto Uzunit nuk i mjaftuan 11 golat e shënuar në La Liga, që të merrte një ftesë për të qenë pjesë e Shqipërisë për në Europian.

Trajneri i Kombëtares kuqezi, Silvinjo, vendosi ta lërë jashtë listës me 27 lojtarë, diçka që nuk është pritur mirë edhe nga lojtari.

Beratasi luajti i dëmtuar me Granadën në ndeshjet e fundit, ndërsa prej një muaji është jashtë në mënyrë që të mos rrezikonte për "Euro 2024".

Megjithatë, sulmuesi 29-vjeçar tashmë është i detyruar ta ndjekë Europianin nga shtëpia.

Pakënaqësi për mosgrumbullimin e Uzunit shfaqi edhe menaxheri i lojtarit, Franci Bode, i cili reagoi në rrjetet sociale.

"Si mund të lihet jashtë një lojtar me 11 gola në La Liga? Bazuar në statistikat aktuale, ai është më i mirë se 5 nga 6 sulmuesit në ekipin tonë kombëtar për Euro 2024. Myrto Uzuni, gjithmonë feston me shqiponjë të për të treguar se është krenar që është shqiptar dhe që lufton për fanellën që vesh si luan. Nuk e meritonte këtë!", shkruan Bode.

Në fakt lënia jashtë e Uzunit ishte surprizë për të gjithë, duke parë formën e shkëlqyer në një nga pesë kampionatet më të forta në botë, por edhe statistikat në sezonet e fundit.

Në kampionatin që sapo u mbyll, Uzuni shënoi 11 gola në elitën e futbollit spanjoll, ndërsa një vit më parë, në La Liga 2, realizoi plot 23 herë, në 38 ndeshje të zhvilluara.





Lajmet e fundit nga