web counter
LEXO PA REKLAMA!

SHKARKO APP

App Store
Google Play

Dëmtimi i rëndë i mesfushorit të Tiranës, Duka: Respektoni rregulloren e FSHF-së

29 Gusht 2022, 13:01, Sport CNA
Dëmtimi i rëndë i mesfushorit të Tiranës, Duka:
Armand Duka dhe Klevi Qefalija

Dëmtimi horror i mesfushorit të Tiranës, Klevi Qefaliajt në ndeshjen ndaj Egnatias ka prekur opinionin sportiv dhe jo vetëm.

Së fundmi, ka reaguar presidenti i Federatës Shqiptare të Futbollit, Armand Duka me anë të një postimi në profilin e tij të rrjetit social “Facebook”, duke shkruar se asgjë nuk është më e rëndësishme se shëndeti dhe se duke u bërë apel të gjitha klubeve për të zbatuar të gjithë rregulloren e FSHF-së për organizimin e ndeshjeve:

POSTIMI I PRESIDENTIT TË FSHF-së, ARMAND DUKA:

“Jam interesuar personalisht nga pasditja e djeshme deri më tani për gjendjen shëndetësore të futbollistit 18-vjeçar të Tirana, Klevi Qefalija, pas dëmtimit të rëndë në ndeshjen me Egnatian në javën e dytë të Abissnet Superiore.

Jam i lumtur që futbollisti është në gjendje të stabilizuar shëndetësore duke kaluar rrezikun. Shpresoj dhe uroj që të kthehet sa më parë pranë familjes dhe në gjirin e skuadrës.

Dua të falënderoj në mënyrë të veçantë stafin e doktorëve dhe fizioterapistëve të Tiranës për vetëdijen, durimin dhe profesionalizmin e treguar në momentin e parë të ndërhyrjes në fushë, duke i shpëtuar jetën futbollistit.

Një falënderim i veçantë shkon për gjithë stafin e doktorëve në Spitalin e Traumës në Tiranë për ndërhyrjen dhe reagimin e shpejtë duke siguruar ecurinë pozitive për shëndetin e lojtarit.

Duke qenë se jemi në fillim të kampionatit përfitoj nga rasti t’ju bëj thirrje të gjitha klubeve të çdo niveli, që nga kategoria “Abissnet Superiore” e deri te kampionatet e moshave, që të zbatojnë me rigorozitet të gjitha rregulloret e FSHF-së për organizimin e ndeshjeve.

Asgjë nuk është më e rëndësishme se shëndeti dhe jeta e futbollistëve.”





Lajmet e fundit nga