web counter
LEXO PA REKLAMA!

SHKARKO APP

App Store
Google Play

Mori vendin e Sanesë, De Ligt: E çuditshme, po më pëlqen të luaj në sulm

28 Gusht 2022, 19:56, Sport CNA
Mori vendin e Sanesë, De Ligt: E çuditshme, po më pëlqen
De Ligt

Ndeshja mes Bajernit të Mynihut dhe Borussia Munshengladbach të shtunën pasdite, ku përveç rezultatit dhe pritjeve të shumta nga portieri i miqve, Yann Sommer, që për 90 minuta i eliminoi 19 mundësi nga 20 kampionëve të Gjermanisë për të shënuar, tërhoqi vëmendje edhe një tjetër episod.

Në minutën e 85’, ndërsa ndeshja ishte në rezultatin 1-1, Julian Nagelsman nxori nga fusha Sanenë dhe në vend të tij futi Matajs de Ligt.

Ndonëse në fillim ky u duk një vendim normal, ajo që bëri habi ishte fakti që De Ligt mori vendin e qendërsulmuesit.

Ish-mbrojtësi i Juventusit, i cili zuri vendin e vetë Sanesë, shkoi të pozicionohej në sulm përkrah Gnabrit dhe ndër të tjera ai i shkoi shumë pranë edhe golit, por që në fund u ndal.

Duke folur për ‘Bild’, De Ligt ka shpjeguar se si e ka gjetur veten në rolin e sulmuesit, duke kujtuar ndër të tjera se në nivel të të rinjve ka luajtur edhe si qendërsulmues.

“Është e çuditshme të hysh dhe të pozicionohesh si sulmues, por më pëlqeu. Është diçka që e kam bërë në të kaluarën dhe jam gati ta bëj sërish”-tha ai.





Lajmet e fundit nga