E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Egnatia-Tirana/ Panik dhe ankth, pjesa e parë mbyllet me avantazhin e bardhebluve (VIDEO)

28 Gusht 2022, 17:54, Sport CNA

Egnatia-Tirana/ Panik dhe ankth, pjesa e parë mbyllet me avantazhin e

Autori i golit, Sherif Kallaku

Është mbyllur pjesa e parë, në sfidën mes Egnatias dhe Tiranës, e vlefshme për javën e dytë në "Abissnet Superiore", e cila transmetohet në "Oversport", në platformën "TIBO".

Pas 45 minutave të para, bardheblutë kryesojnë 0-1, falë një goli të shënuar në minutën e 14-të, nga Sherif Kallaku.

Ky i fundit shfrytëzoi në maksimum një krosim të ardhur në zonë, duke gjuajtur bukur, për ta ndalur topin në fundin e rrjetës.

Në minutën e 33-të, u regjistrua një episod, që shkaktoi panik dhe ankth në fushën e lojës. Pas një përplasje mes Qefalijes dhe Hamzat, lojtarët e dy skuadrave kërkojnë që të ndërhyje ambulanca pasi lojtari i bardhebluve ka mbetur në fushë i gjakosur. Ndërhyn ambulanca dhe transporton lojtarin menjëherë në spital.

Ndeshja u pezullua për disa minuta, më pas rinisi sërish, pasi nga spitali u komunikua dhe gjendja e lojtarit është e mirë.

KOMENTI LIVE:

45’+5’ Xhekson shmang dy lojtarë dhe jep një asist fantastik në të majtë për Mustën, ky i fundit gjuan në ecje e sipër por gjen vetëm rrjetën e jashtme të portës bardheblu.

45’+1’ Camaj gjuan, topi bllokohet e pastaj Mihana ka mundësinë të gjuajë në portë, por Bekaj ndalon tentativën e tij.

45’ Jepen 10 minuta shtesë.

45’ Limaj ka marrë vendin e Qefaliajt të dëmtuar.

43’ Rifillon sfida.

42’ Mbërrin lajmi nga spitali se Qefalija është përmendur dhe bardheblutë pranojnë të rifillojnë ndeshjen.

40’ Delegati dhe vëzhguesi zbresin në fushë për të bindur lojtarët që të rifillojnë ndeshjen. Rrogozhinasit janë dakord, ashtu si edhe disa nga drejtuesit bardheblu, por jo lojtarët që presin lajme për Qefaliajn.

38’ Ndeshja është e ndërprerë pasi futbollistët janë të tronditur për atë që kanë parë në fushën e lojës. Disa prej lojtarëve të Tiranës nuk përmbajnë dot lotët.

33’ Panik dhe ankth në fushë. Pas një përplasje kokë më kokë mes Qefalijes dhe Hamzat, lojtarët e dy skuadrave kërkojnë që të ndërhyje ambulanca pasi lojtari i bardhebluve ka mbetur në fushë i gjakosur. Ndërhyn ambulanca dhe transporton lojtarin, ndeshja e pezulluar.

29’ Gjuajtje e shkëlqyer e Zejnullait në hyrje të zonës nga e djathta, Bekaj devijon në këndore.

26’ Shtohen protestat kur pas një aksioni të Xhekson në krahun e majtë, topi harkohet në zonë dhe aty Toshevski devijon sferën që përfundon në duart e Bekajt, Vendasit pretendojnë për prekje topi me dorë, Alla bën shenjë që loja të vazhdojë.

23’ Nervozizëm në tribuna pas një kontakti mes Aleksit dhe Xhekson me këtë të fundit që përfundon në tokë. Gjyqtari Alla jep faull për Tiranën dhe nga tribunat nuk reshtin protestat.

17’ Camaj ka mundësinë e artë dy herë brenda pak sekondash për të barazuar rezultatin. Por fillimisht ai gjen përgjigjen e Bekajt me një gjuajtje tokazi e më pas, teksa merr një harkim nga e djathta e sulmit, dërgon sferën mbi traversë me tentativën me kokë.

14’ GOOOL TIRANA! Aksion i shpejtë i bardhebluve me Xhixhën i cili nga e majta harkon në zonë dhe aty Kallaku me kokë dërgon sferën në rrjetë.

13’ Mundësi e artë e Tiranës për të shënuar pasi Xhixha shfaqet në krahun e djathtë të sulmit. Topi i tij në qendër devijohet drejt portës nga Malota dhe Sherri me vështirësi arrin të largojë sferën në dy kohë.

9’ Toshevski merr fundoren në të djathtë dhe nis sferën në qendër, Malota mbyll korridorin duke larguar topin.

4’ Lojë në mesfushë në minutat e parë me të dy ekipet që nuk gjejnë hapësira për të dërguar topin në zonën kundërshtare.

1’ Nis dueli në stadiumin e qytetit të Rrogozhinës.