web counter
LEXO PA REKLAMA!

SHKARKO APP

App Store
Google Play

E fundit!

x

Protagonist në përmbysjen e Sitit, Haland “tallet” me arritjen e babait

28 Gusht 2022, 14:05, Sport CNA

U duk sikur Mançester Siti do të pësonte disfatën e parë të sezonit në Premier League, teksa The Citizens e mbyllin në disavantazhin e dy golave pjesën e parë ndaj Kristal Palas. Megjithatë, në fraksionin e dytë, të besuarit e trajnerit Pep Guardiolës zbritën në fushë me mentalitetin e kampionëve në fuqi dhe përmbysën ndeshjen teksa protagonist kryesor ishte Erling Haland me tre gola të realizuar.

Për norvegjezin ishte tripleta e parë me fanellën e Mançester Sitit, ndërsa tashmë shkon në kuotën e gjashtë golave në Premier League. Edhe pse shifrat në vijim vetëm sa do të përmirësohen, pas sfidës me Kristal Palas, sulmuesi 22-vjeçar gjen kohën edhe për të vënë në lojë babain e tij, Alfie i cili në 9 vite në Premier League mes Notingam Forest, Lids dhe Siti ka shënuar 18 gola.

“Ne duhet të vazhdojmë të punojmë ashtu siç po bëjmë, na u desh një rregullim i vogël gjatë lojës dhe më pas erdhi reultati. Duhet ta dëgjojmë më shumë trajnerin. Ishte ndjesi e mirë të përmbysje ndeshjen dhe ne patëm mentalitetin e duhur, duke besuar te njëri-tjetri. Tre golat? Është një moment krenarie për mua dhe familjen time.

Por, unë e di që babai sërish do më thotë se ka më shumë gola se unë në Premier League, ndaj më duhet ende të ndjek rekordin e tij. Nuk është e lehtë të transferohesh në një klub të ri dhe vend të ri, por deri më tani gjithçka ka shkuar në rregull”, u shpreh Haland.

 





Lajmet e fundit nga