web counter
LEXO PA REKLAMA!

SHKARKO APP

App Store
Google Play

Barcelona fiton me "poker"/ Levandovski “makineri” golash, debutuesi Kunde siguri në prapavijë

28 Gusht 2022, 21:57, Sport CNA

Barcelona fiton me "poker"/ Levandovski “makineri” golash,

Robert Levandovski dhuron shfaqjen e radhës në La Liga, pikërisht në fitoren e thellë 4-0 të Barcelonës përballë Vajadolidit. “Bomberi” polak realizoi dy nga golat e skuadrës “Blaugrana”, duke arritur në kuotën e katër finalizimeve në tri javët e parë. Nëse në sfidën parë të kampionatit, përballë Rajos, nuk e gjeti rrjetën, 34-vjeçari realizoi dy herë në fitoren e thellë 1-4 në fushën e Real Sociedadit, për të vijuar me të njëjtin ritëm edhe përballë ekipit që ka për president Ronaldo “Fenomenin”.

Golin e parë Leva e realizoi në të 24-ën minutë, pas pasimit të marrë nga Rafinja, për të ardhur më pas te finalizimi i Pedrit në fundin e pjesës së parë, i shërbyer nga Dembele. Levadovski sigurisht që nuk e kishte thënë ende fjalën e fundit. Në minutën e 65-të e tundi sërish rrjetën, këtë herë i shërbyer nga Dembele. Në kohën shtesë Sergi Roberto shtyu drejt rrjetës një top të kthyer nga traversa (goditi Levandovski), duke vulosur fitoren e thellë 4-0 të “Blaugranave”.

Provë shumë e mirë edhe për mbrojtësin Kunde, i tregoi që në debutim se mund të bëjë disa role në fushë, duke ofruar siguri në fazën mbrojtëse. Barcelona me këtë fitore ngjitet në kuotën e 7 pikëve, dy më pak se Betisi që kryeson me pikë të plota.





Lajmet e fundit nga