web counter
LEXO PA REKLAMA!

SHKARKO APP

App Store
Google Play

E fundit!

x

Josa: Nuk fitohet kampionati pa filluar akoma, duhet të jemi më cinikë në zonë

28 Gusht 2022, 21:55, Sport CNA
Josa: Nuk fitohet kampionati pa filluar akoma, duhet të jemi më
Mirel Josa

Trajneri i Vllaznisë, Mirel Josa, ka folur për "Oversport" në emisionin “Ti bo Gol” pas fitores në frymën e fundit përballë Kukësit.

"Do e ndaja në dy etapa. Pjesa e parë që ishim superiorë në të gjitha drejtimet. Duhet të dyfishonim rezultatin. Pjesën e dytë Kukësi bëri ndryshime. Ne duhet të ishim të kujdesshëm. Jam i kënaqur sidomos me çerekorëshin e fundit. Kishin dëshirë më tepër. Mund të ishte dhe barazim 1 me 1 dhe nuk do thoshim këto fjalë. Arritëm të fitonim një ndeshje me kundërshtar direkt, që duhet ta fitonim. Vlerësojmë lojën e Kukësit që na vendosi në vështirësi.

Nuk mund të jetë penallti e mohuar sepse e ka parë VAR-i. Ishin momentet e fundit, kështu do festoj në çdo ndeshje. Humbje jo se ishte me Erzenin, por ta bën më të vështirë përgatitjen. Dhe mënyrë si humbëm ne më solli shumë dilema. Ndeshjet të gjitha të vështira do jenë. Na pret ndeshje me Tiranën shumë e vështirë. Duhet të jemi me këmbë në tokë. Duhet të respektojmë kundërshtarët, nuk fitohet kampionati pa filluar akoma.

Kukësi kishte zgjedhje të tjera. Mendoj se dhe Basha që nuk ishte në gjendje të mirë, na e lehtësoi pak punën. Thamë mos të ndryshonim një herë sepse në 85 minuta dolëm 1-2 herë për të dyfishuar rezultatin. Duhet të ishim më të kujdesshëm. Latifi është i dëmtuar në kavilje, do shohim si do shkojë nesër. Fitorja na ndihmon për 3 pikët", u shpreh Josa.





Lajmet e fundit nga