web counter
LEXO PA REKLAMA!

SHKARKO APP

App Store
Google Play

E fundit!

x

Vendos goli i Heric, Vllaznia e mbyll pjesën e parë në avantazh ndaj Kukësit (VIDEO)

28 Gusht 2022, 20:20, Sport CNA

Vendos goli i Heric, Vllaznia e mbyll pjesën e parë në avantazh

Vllaznia e ka mbyllur në avantazh pjesën e parë ndaj Kukësit, në ndeshjen e vlefshme për javën e dytë në "Abissnet Superiore".

Shkodranët ishin dominues gjatë 45 minutave të para, duke gjetur edhe rrugën e rrjetës në minutën e 27-të. Ishte Heric, i cili me një gjuajtje të bukur nga jashtë zone, e ndali topin në fundin e rrjetës, duke i dhënë avantazhin skuadrës së tij.

Pritet një pjesë e dytë e luftuar, me Kukësin, që do të kërkojë me çdo kusht golin e barazimit.

KOMENTI LIVE:

45+1′ Mbyllet pjesa e parë në Shkodër. Vllaznia ka dominuar 45 minutat e para. Ka kaluar në avantazh me Heric, por ka pasur edhe raste të tjera për të dyfishuar shifrat.

39’ Hakaj merr krahun e majtë dhe provon nga distanca, por Tafas është në pozicion dhe ndal goditjen e tij në dy kohë.

37’ Heric provon sërish me të majtën, por topi i tij shkon mbi traversë.

33′ Vllaznia i shkon pranë golit të dytë për Vllazninë, por Tafas ndalon gjithçka.

31′ Aksion i rrezikshëm i Kukësit, por topi largohet në këndore.

27’ GOOOOOL Vllaznia kalon në avantazh. Heric gjuan nga jashtë zone dhe në "Loro Boriçi" shpërthen festa.

21’ Heric provon një goditje nga distanca, por topi shkon larg portës së Kukësit

20’ Lojë e bukur dhe plot ritëm në “Loro Boriçi”. Vllaznia i është afruar golit në disa raste, por edhe Kukësi është kundërpërgjigjur rrezikshëm

16’ Rast i mirë për Kukësin, Gyasi godet me kokë në zonë, por topi përfundon mbi traversë

14’ Provon Jonuzi të surprizojë nga jashtë zone, por topi përfundon larg portës së Tafas

12’ Kukësi hidhet në sulm, por Haxhiu është sërish i pasaktë

10’ Provon edhe Kukësi të reagojë, por goditja e Haxhiut është e pasaktë

7’ Tjetër mundësi e mirë për shkodranët, Hoxhaj nuk arrin të çojë topin në rrjetë

3’ Goditje këndi për Vllazninë. Rast i artë për shkodranët. Kroson Heric dhe vendasit godasin traversën me Latifin

1’ Nis ndeshja në “Loro Boriçi”

Ka patur një ceremoni në respekt të Armando Cungut, që ka shkelmuar në mënyrë simbolike topin e parë të kësaj sfide.

Formacionet zyrtare:

Vllaznia (4-1-4-1): Zogovic; Gurishta, Juric, Bulatovic, Hakaj; Boshnjaku; Mala, Jonuzi, Heric, Latifi; Hoxhaj. Trajner: Mirel Josa

Kukësi (4-3-3): Tafas; Haxhiu, Ilieski, Ferrei ra, Ndreca; Taipi, Bytiçi, Moraes; Gyasi, Hasaj, Basa. Trajner: Skënder Gega





Lajmet e fundit nga