web counter
LEXO PA REKLAMA!

SHKARKO APP

App Store
Google Play

E fundit!

x

VIDEO/ Fitore dramatike e Vllaznisë në Shkodër, kuqeblutë mundin Kukësin me gol në shtesë

28 Gusht 2022, 21:35, Sport CNA

VIDEO/ Fitore dramatike e Vllaznisë në Shkodër, kuqeblutë

Vllaznia ka mposhtur Kukësin, me rezultatin 2-1, në një ndeshje me të vërtetë të çmendur, ku fundi ishte dramatik.

Shkodranët kaluan të parët në avantazh me një supergol të Heric në minutën e 27-të, ndërsa verilindorët barazuan në minutën e 57-të, me Zivkovic.

Në “Loro Boriçi” ishte një ndeshje me dy tablo, me pjesën e parë që foli e gjitha për Vllazninë, ku kuqeblutë përveç golit, kishin edhe dy raste të tjera të pastra, por u ndalën te shtylla.

Në pjesën e dytë, Kukësi u shfaq me një fytyrë tjetër, duke u hapur jo pak probleme shkodranëve, teksa përveç golit të barazimit, i shkuan afër edhe përmbysjes.

Në minutat shtesë, arbitri Meta akordoi penallti për Vllazninë, pas një rrëzimi të Kainas në zonë, por pas rishikimit në VAR, e anuloi për stimulim të sulmuesit. Në këtë moment, të gjithë menduan se ndeshja do të mbyllej në barazim, por ishte Herald Marku, që me një gjuajtje të bukur në hyrje të zonës, e ndali topin në fundin e rrjetës, duke i dhënë fitoren kuqebluve.

VLLAZNIA-KUKËSI 2-1
27′ Heriç, 90’+6′ Marku / 56′ Zivkoviç 

KOMENTI LIVE

90’+8’ Mbyllet ndeshja me fitoren 2-1 të Vllaznisë.

90’+6’ GOOOL VLLAZNIA! Shënon Marku me një kundërsulm të shpejtë.

90’+2’ – 90’+5’ Kridens Meta bën shenjë për penallti, pas një dueli mes Ilieskit dhe Kaina në zonën e Kukësit. Gjyqtari shkon vetë të shohë pamjet në VAR. Pas vëzhgimit, ai anulon vendimin dhe i jep të verdhë Kaina për simulim.


90’ Jepen 4 minuta shtesë.

90’ Aksion i shpejtë i Kukësit në krahun e majtë me kombinimin Lejton-Peposhi. Ky i fundit shfaqet para Zogoviç por gjuan jashtë.


88’ Çoba merr vendin e Malës në minutat e fundit të sfidës.

86’ Haxhiu ndëshkohet me karton të verdhë pasi u dëmtua duke u rrëzuar jashtë fushës, por pastaj hyri në katërkëndor që të ndërpritej loja.

85’ Shumë gabime në pasime në metrat e fundit nga të dy skuadrat, që i afrohen zonës së rreptësisë por nuk krijojnë raste për të shënuar apo gjuajtje drejt portës.

79’ Lejton dhe Berisha marrin vendin e Moraesh dhe Giasi në minutat e fundit te Kukësi.

76’ Peposhi nga e majta e sulmit lëshon një gjuajtje të fortë, por Zogoviç i përgjigjet me një grushtim vendimtar.


73’ Kaina merr vendin e Latifit të dëmtuar në këto minuta në fushë. Hyn edhe Marku në vend të Heriç.

70’ Kukësi në kontroll të plotë të sfidës, me Vllazninë e cila nuk arrin të largohet nga gjysmëfusha e vet.

65′ Kote merr vendin e Hasajt në radhët e Kukësit.

60’ Shkodranët duken të tronditur nga ky gol teksa gabojnë pasime shumë të thjeshta në mesfushë.

56’ GOOOL KUKËSI! Zivkoviç tund rrjetën pas një harkimi të Giasi. Fillimisht gjuajtja me kokë ndalet nga Zogoviç, por pastaj ne tentativën e dytë ai shtyn topin në rrjetë.


55′ Peposhi merr vendin e Bashës në radhët e Kukësit.

54’ Pas një goditje dënimi, topi shkon te Juriç në të djathtë por ai nuk gjen portën me tentativën e tij.

53’ Basha ndëshkohet me karton të verdhë pas një faulli ndaj Latifit.

51’ Tjetër mundësi e artë e Vllaznisë me një aksion me shumë kombinime nga e djathta, topi shkon te Jonuzi i cili kalon Ilieskin dhe gjuan por sheh sferën të përplaset në shtyllë dhe të dalë jashtë.


49’ Aksion i shkëlqyer i shkodranëve me topin e Malës në qendër për Latifin, por gjuajta e tij në ecje e sipër çon topin mbi katërkëndoirin e Tafas.


46’ Pjesa e dytë nis me Zivkoviç në vend të Bytyçit në radhët e Kukësit.

45’+1’ Mbyllet pjesa e parë me avantazhin minimal të Vllaznisë.

45′ Jepet 1 minutë shtesë.

43’ Haxhiu merr topin në krahun e djathtë dhe hyn në zonë, por tenton portën dhe sfera kalon mbi traversë.

38’ Gjuajtje diagonale e Hakajt nga e majta, Tafas ndal në dy kohë topin.

37’ Latifi hyn në zonë nga e majta, topi i tij në qendër largohet nga mbrojtësit por përfundon te Heriç i cili gjuan me forcë, këtë herë duke çuar sferën mbi traversë.


35’ Ilieski ndëshkohet me të verdhë pas një faulli ndaj Malës në mesfushë.

32’ Hoxhaj i shmanget mbulimit të mbrojtjes dhe hyn në zonë nga e djathta, kalon Tafas por shtyn topin më shumë se duhet dhe tentativa e tij drejt qendrës ndalet nga portieri i Kukësit.


31’ Moraesh nga e majta merr fundoren por harkimi i tij në zonë është i gabuar dhe ai dërgon sferën jashtë pa shqetësuar Zogoviç.

31’ Basha harkon rrezikshëm nga e djathta, Mala largon me kokë para se ndonjë prej lojtarëve të Kukësit të tentonte portën.

27’ GOOOL VLLAZNIA! Kuqeblutë në avantazh me anë të Heriç. Mesfushori merr topin në të djathtën dhe lëshon një gjuajtje të fortë në hyrje të zonës duke dërguar sferën në rrjetë.


23’ Juriç ndalon një aksion të rrezikshëm të Hasajt teksa frenon në momentin e duhur lojtarin e kuksianëve.

17’ Aksion i shpejtë i Kukësi nga e djathta me Bashën, harkimi i tij gjen Giasi por sulmuesi me kokë nuk çon topin në portën e Zogoviç.


14’ Jonuzi provon përsëri nga distanca të gjejë portën e Kukësit, këtë radhë nuk ka shënjestrën e duhur për të shqetësuar Tafas.

12’ Tjetër aksion interesant nga Haxhiu në krahun e djathtë, harkimi i tij kthehet në gjuajtje drejt portës por kalon mbi traversë.

10’ Aksion i gjatë i Kukësit i cili finalizohet me një gjuajtje nga distanca të Haxhiut, por ai fluturon sferën larg katërkëndorit.

7’ Përsëri mundësi e shkëlqyer e Vllaznisë për 6ë shënuar. Fillimisht Tafas ndal gjuajtjen e Jonuzit e më pas Hoxhaj devijon pak hapa larg portës, ndërsa sheh sferën të përplaset në traversë dhe të përfundojë jashtë.

3’ Vllaznia i afrohet menjëherë golit kur pas një goditje nga këndi, Latifi gjuan me kokë por gjen traversën e portës së Kukësit.


1’ Nis dueli në “Loro Boriçi” me topin e parë që luhet nga shkodranët pas 4 minutash vonesë për shkak të rregullimit të një porte.

Ndeshja nis me shkelmim nga qendra simbolik të Armando Cungut.

FORMACIONET ZYRTARE:

VLLAZNIA: Zogoviç, Gurishta, Juriç, Bulatoviç, Hakaj, Boshnjaku, Jonuzi, Heriç, Mala, Latifi, Hoxhaj. Trajner: Mirel Josa

KUKËSI: Tafas, Ferreira, Ilieski, Bytyçi, Haxhiu, Ndreca, Moraesh, Hasaj, Taipi, Giasi, Basha. Trajner: Skënder Gega.





Lajmet e fundit nga