web counter
LEXO PA REKLAMA!

SHKARKO APP

App Store
Google Play

Broja, për Obamejangun: Mund të mësoj shumë prej tij

5 Shtator 2022, 20:46, Sport CNA

Armando Broja dhe Chelsea kanë bërë një marrëveshje të fortë me njëri-tjetrin duke rënë dakord për një kontratë të re gjashtëvjeçare, e cila duhet ta mbajë sulmuesin e ri në radhët e bluve deri në 2028. Kishte shumë spekulime për të ardhmen e të diplomuarit të Akademisë këtë verë, por marrëveshja e re ka ndaluar gjithçka.

Vetë Broja është shprehur: “Ju shihni spekulime në lajme, por unë jam këtu tani, në radhët e Chelsea dhe kam nënshkruar kontratën time, kështu që jam i kënaqur që jam në këtë klub të mrekullueshëm”.

Sigurisht që Broja ka një kontratë afatgjatë, porn ë skuadër konkurenca ëhstë e madhe dhe së fundmi ka mbërritur dhe një lojtar si Aubameyang. Sulmuesi kuqezi, mbi të gjitha, mund të mësojë nga dora e parë nga një sulmues që ka shënuar të paktën 15 gola në secilin prej 11 sezoneve të tij të fundit.

“Ai është një lojtar i madh, ka bërë shumë në karrierën e tij deri më tani dhe tani ai ka ardhur në radhët e Chelsea, mund të mësoj shumë prej tij”.

“Ai e ka bërë këtë tek Arsenal dhe Barcelonë, kështu që është një shtesë e mirë për klubin dhe ekipin dhe duket një djalë shumë i mirë. Jam i emocionuar të mësoj prej tij”.

“Është mirë të kesh konkurrencë në ekip. Unë kam qenë gjithmonë një djalë me vetëbesim, kështu që është e rëndësishme ta mbaj këtë dhe të mbetem i sigurt. Për mua, ndihem sikur mund ta ndihmoj shumë ekipin. Do të bëj më të mirën në fushë dhe jashtë saj në çdo mënyrë që të mundem. Besoj se mundem”.





Lajmet e fundit nga