web counter
LEXO PA REKLAMA!

SHKARKO APP

App Store
Google Play

E fundit!

x

Atalanta ndalet te shtylla, hap fals në garën për titull

1 Mars 2025, 17:17, Sport CNA

Atalanta ndalet te shtylla, hap fals në garën për titull

Atalanta humbi një mundësi të artë për t’u ngjitur në krye të Serie A, pasi nuk shkoi më shumë se një barazim pa gola ndaj Venezias. Ky rezultat e lë skuadrën e Gian Piero Gasperinit pa fitore në pesë ndeshjet e fundit si vendas në të gjitha kompeticionet me 3 barazime dhe 2 humbje.

Me rivalët për titull, Inter dhe Napoli, që përballeshin më vonë, Atalanta e dinte se vetëm një fitore do të shërbente për t’i vënë nën presion. Megjithatë, ndeshja nisi me ritëm të ngadaltë dhe një lojë të ashpër. U desh të vinte minuta e 20-të për rastin e parë të rrezikshëm, kur Ademola Lookman krijoi hapësirë brenda zonës, por gjuajtja e tij përfundoi në rrjetën e jashtme.

Lookman ishte lojtari më aktiv i vendasve në sulm dhe krijoi një tjetër rast të artë duke harkuar në zonë për Mateo Reteguin, i cili u gjend i lirë, por goditja e tij me kokë shkoi mbi traun e portëes. 

Atalanta vazhdoi të ushtrojë presion për të gjetur golin dhe iu afrua shumë hapjes së rezultatit, por Davide Zappacosta goditi shtyllën me një gjuajtje të fortë. Fati vazhdoi të mos ishte me vendasit, pasi edhe Juan Cuadrado goditi shtyllën pak para përfundimit të pjesës së parë, duke i lënë të zhgënjyer tifozët bergamaskë.

Pjesa e dytë ishte e njëjtë, me Atalantën që sulmonte vazhdimisht portën e Venezias. Cuadrado u lirua në krahun e djathtë dhe harkoi në zonë për Reteguin, por sulmuesi argjentinas e dërgoi topin mbi portë, duke vazhduar pasditen e tij zhgënjyese.

Pavarësisht dominimit dhe rasteve të shumta të krijuara, Atalanta nuk arriti të gjejë rrugën e rrjetës dhe mbeti në vendin e tretë të renditjes, dy pikë pas Interit, përpara përballjes së zikaltërve me Napolin. Nga ana tjetër, Venezia, pasi rezistoi ndaj një vale të pandalshme sulmesh, mori një pikë jetike në luftën për mbijetesë, edhe pse mbetet pa fitore në 10 ndeshjet e fundit.





Lajmet e fundit nga