E fundit!

21:59 Politikë

Zgjedhja e strukturave drejtuese të PD-së/ Nis numërimi i votave në selinë blu

Ka nisur procesi i numërimit të votave për zgjedhjen e str...

Dy arbitra shpallen “Non Grata”, reagim i ashpër nga Pogradeci: Të bëhet hetim i thellë

28 Shkurt 2025, 20:55, Sport CNA

Dy arbitra shpallen “Non Grata”, reagim i ashpër nga Pogradeci:

Klubi i Pogradecit ka reaguar ashpër ndaj arbitrimit, në ndeshjen e Lushnjës, e mbyllur 2-2. Liqenorëve iu anulua një gol i rregullt në fund, i shënuar nga Samake.

VIDEO/ Arbitrat e bëjnë “baltë”, shikoni golin e rregullt që iu anulua Pogradecit
28 Shkurt, 16:18

Në reagimin e klubit thuhet se dy gjyqtarët, kryesori Florjan Lata dhe anësorin që anuloi golin e rregullt ne minutën e 91, Xhuljo Mani, janë shpallur “Non Grata”.

DEKLARATA E KLUBIT:

Të nderuar tifozë, media dhe anëtarë të komunitetit të futbollit,

Pasi analizuam të gjitha vendimet e marra nga trupa e arbitrave në ndeshjen e zhvilluar sot kundër ekipit të Lushnjës, me bindje të plotë se e drejta është nga ana Jonë, ndihemi moralisht të detyruar që të shpallim një reagim të fuqishëm ndaj arbitrimit skandaloz që ndodhi në fushë.

Vendimet e marra nga arbitrat e ndeshjes së sotme, ishin të papranueshme dhe të turpshme, duke penalizuar ekipin tonë, duke i mohuar fitoren si dhe ka minuar integritetin e lojës së bukur të Futbollit.

Ne, si klub, nuk mund të qëndrojmë indiferentë përballë një situate të tillë. Vendimet e padrejta dhe të njëanshme, të cilat patëm fatin të përjetojmë, kanë kaluar çdo limit të dënueshëm. Ky është një turp i madh për arbitrazhin dhe për çdo individ që pret që ndeshjet të drejtohen me ndershmëri.

Kërkojmë një hetim të thellë dhe të menjëhershëm mbi këtë situatë, dhe një përgjegjësi të drejtpërdrejtë nga organet përkatëse. Arbitrimi siç po ndodh aktualisht nuk ka vend në futbollin tonë, dhe ne nuk do të lejojmë që ekipi ynë të vazhdojë të trajtohet në këtë mënyrë të padrejtë. Ftojme tifozët dhe ata që e duan futbollin të qëndrojnë me ne për të kërkuar ndryshime të nevojshme.

Ne jemi të vendosur të luftojmë për drejtësi. Për sa më sipër, shpallim “Person non grata”, arbitrin kryesor Florjan Lata dhe anësorin që anulloi golin e rregullt ne minutën e 91, Xhuljo Mani.

Me indinjatë, KLUBI I FUTBOLLIT POGRADECI PRESIDENTI, ARMAND LILO.