web counter
LEXO PA REKLAMA!

SHKARKO APP

App Store
Google Play

Alonso premton spektakël, Inzaghi: E njohim Leverkusen-in, të sigurojmë kualifikimin

10 Dhjetor 2024, 10:00, Sport CNA

Alonso premton spektakël, Inzaghi: E njohim Leverkusen-in, të

Interi dhe Bayer Leverkusen kanë zhvilluar një edicion të shkëlqyer në Ligen e Kampioneve deri tani dhe do të kërkojnë të vazhdojnë me serinë e rezultateve pozitive.

Dy ekipet përballen mes tyre, në një ndeshje që pritet të jetë shumë e luftuar. Në prag të këtij takimi, trajneri i Interit, Simone Inzaghi, deklaroi se skuadra e tij është gati dhe synojnë ta mbyllin sa më shpejt çështjen e kualifikimin.

“Me 18 pikë, kualifikimi është thuajse i sigurt. Na duhen edhe pesë pikë për të shkuar aty. Duhet ta mbyllim sa më shpejt këtë çështje. Kemi bërë një udhëtim të shkëlqyer, që më mbush me krenari. Ne e njohim kundërshtarin dhe duhet të jemi të kujdesshëm.

Kanë ndryshuar mënyrën e të luajturat së fundmi. Jemi gati për çdo ndryshim moduli. Mos harrojmë që drejtohen nga një trajner i madh”, u shpreh Inzaghi.

Në krahun tjetër, trajneri i Leverkusenit, Xabi Alonso, premtoi se do të jetë një ndeshje spektakolare, ndërsa vlerësoi maksimalisht kundërshtarin.

“Duke pasur parasysh rivalin, do të jetë një ndeshje spektakolare, e një niveli të lartë. Interi e ka aftësinë që ndeshjen ta çojë aty ku dëshiron vetë. Kanë ekip të mirë dhe me cilësi individuale. Duhet të luajmë ndeshjen me pjekuri dhe cilësinë e duhur.

Duhet të jemi efikase dhe kreativë. Ekipi po konkurron mirë dhe na pret një sfidë e madhe, ndërsa një ekipi të vështirë. Interi ka një skuadër të kompletuar. Kanë shumë cilësi te lojtarët e tyre. Kanë futbollistë që bëjnë diferencën”, deklaroi Alonso.

Ndeshja Leverkusen-Inter, do të luhet mbrëmjen e kësaj të marte, duke nisur nga ora 21:00.





Lajmet e fundit nga