web counter
LEXO PA REKLAMA!

SHKARKO APP

App Store
Google Play

E fundit!

x

VIDEO/ Sulmuesi shqiptar "rrëmben skenën", tripletë golash në pak minuta

9 Dhjetor 2024, 16:06, Sport CNA

VIDEO/ Sulmuesi shqiptar "rrëmben skenën", tripletë

Erald Çinari po kalon formë shumë të mirë në Armeni, aty ku është pjesë e skuadrës së Noah.

28-vjeçari realizoi një paraqitje të paharrueshme duke shënuar një tripletë brenda 23 minutash në pjesën e parë të ndeshjes kundër Gandzasar. Sfida prapambetur për javën e parë të kampionatit, përfundoi me një rezultat të thellë 7-0 në favor të ekipit të shkodranit.

Çinari e hapi serinë e golave në minutën e 6-të me një goditje të fuqishme nga jashtë zone. Një gol i çmendur nga shqiptari, që tërhoqi vëmendjen e të gjithëve.

Pas këtij fillimi të furishëm, Çinari gjeti sërish rrugën e rrjetës në minutën e 11-të dhe më pas kompletoi tripletën e tij në minutën e 29-të. Ishte një performancë që tregoi jo vetëm instinktin e tij, vrastar si sulmues, por edhe aftësinë për të bërë diferencën në ndeshje të rëndësishme.

 

Ky shpërthim golash e çoi Çinarin në kuotën e tetë golave në 12 paraqitje, një statistikë mbresëlënëse që e bën atë një nga lojtarët kyç të ekipit të Noa-s.

Përveç golave, ai kishte kontribuar edhe me dy asiste, duke u shndërruar në një element të pazëvendësueshëm për skuadrën. Forma e tij e lartë po ndihmon Noan të mbajë presionin ndaj kryesuesve të Uratu.

Performanca e Çinarit në këtë ndeshje ishte jo vetëm një moment kulminant i sezonit të tij, por edhe një sinjal i qartë i potencialit të tij si një nga sulmuesit më të dalluar në ligën armene.





Lajmet e fundit nga