web counter
LEXO PA REKLAMA!

SHKARKO APP

App Store
Google Play

E fundit!

x

Allegri i shpall "luftë" Juventusit, trajneri kërkon 14 milionë euro

29 Maj 2024, 12:44, Sport CNA

Allegri i shpall "luftë" Juventusit, trajneri kërkon 14

Shkarkimi nga drejtimi i Juventusit, dy javë para fundit të kampionatit, duket se nuk është pritur mirë nga trajneri Masimiliano Allegri. Tekniku livornez ka vendosur t'i shpallë luftë klubit bardhezi.

Sipas asaj që raportojnë mediat italiane, trajneri i ka kërkuar Juventusit, 14 milionë euro dëmshpërblim, për ndërprerjen e kontratës në mënyrë të njëanshme.

Në rast se nuk paguhet shifra e kërkuar, Allegri ka kërcënuar se do e çojë çështjen në gjykatë. Në krahun tjetër, "Zonjë e Vjetër", e konsideron të tepruar kërkesën prej 14 milionë eurosh dhe nuk kanë ndërmend ta plotësojnë.

Në ditët e ardhshme, pritet të ketë negociata për të mirën e të dyja palëve. Allegri, së bashku me stafin e tij, kishin edhe një vit kontratë te Juventusi dhe sipas tyre, nuk u respektua ajo që kishin rënë dakord, kur firmosën.

Allegri, u shkarkua nga drejtimi i Juventusit, pas fitimit të Kupës së Italisë. Shkak për këtë, u bë shpërthimi i trajnerit ndaj arbitrave, por më kryesorja, ishte shpërthimi ndaj drejtorit sportiv, Xhuntoli.

Te klubi torinez, kanë zgjedhur Tiago Motën si trajner, ndërsa po punohet të zgjidhet edhe çështja e pagesës me Allegri-n.





Lajmet e fundit nga