web counter
LEXO PA REKLAMA!

SHKARKO APP

App Store
Google Play

Manaj drejt rikthimit në Itali, zbulohet klubi i Serisë A që e kërkon

29 Maj 2024, 12:04, Sport CNA

Manaj drejt rikthimit në Itali, zbulohet klubi i Serisë A që e

Rey Manaj mbylli një sezon të shkëlqyer në Turqi, me fanellën e Sivasspor-it. Sulmuesi zhvilloi kampionatin më të mirë në karrierë, me plot 18 gola të shënuar, duke u renditur pas Ikardit dhe Dzeko.

Lushnjari njoftoi largimin dhe tani po përgatitet për një aventurë të re. Klubi turk, i ka vendosur çmimin 15 milionë euro Manajt dhe interesimet për shqiptarin janë të shumta.

Trajneri i Sivassporit zbuloi se Manajn e kërkojnë nga Franca dhe Italia, por refuzoi të tregojë emrat.

Sipas mediave turke, skuadra e sapongjitur në Serinë italiane, Como, ka shfaqur interes për 27-vjeçarin.

Manaj pëlqehet shumë nga drejtuesit, që e kanë në krye të listës për merkaton e verës.

Komo me pronarë dy emra të njohur si Thierry Henry dhe Cesc Fabregas, ka mbetur e impresionuar nga paraqitjet e sulmuesit dhe duan ta bëjnë pjesë të tyre.

Thuhet, se edhe Manaj, ka dhënë miratimin e tij, për tu rikthyer në elitën e futbollit shqiptar. Lojtari e njeh mirë Serinë A, pasi në të kaluarën ka qenë pjesë e Interit, Spezia-s dhe Pescara.

Ditët e ardhshme, do të jenë vendimtare për lojtarin shqiptar, i cili do të marrë pjesë edhe me Kombëtaren kuqezi në Europian.





Lajmet e fundit nga