web counter
LEXO PA REKLAMA!

SHKARKO APP

App Store
Google Play

E fundit!

x

Finalja e Conference League/ Në Athinë përplasen për trofeun

29 Maj 2024, 11:55, Sport CNA

Finalja e Conference League/ Në Athinë përplasen për trofeun

Conference League do të mësojë këtë të mërkurë fituesin për sezonin 2023-2024. Në Athinë, luhet finalja e madhe, mes grekëve të Olympiakos dhe italianëve të Fiorentinës.

Spektakli është i garantuar në këtë përballje, pasi të dyja ekipet duan me çdo kusht trofeun.

Pasi dështoi ta fitojë vitin e kaluar, ku u mposhtën në finale nga West Ham, te Fiorentina do të kërkojnë triumfin në finalen e dytë radhazi.

Eksperiencën e fituar në Conference League, skuadra e Italianos do të kërkojë ta shfrytëzojë në maksimum. Në Firence presin të rikthejnë një trofe evropian, që mungon prej plotë 63 vitesh.

Për të arritur deri në finale, Fiorentina kaloi skuadra të rëndësishme, si Club Brugge, Viktoria Plzen dhe Maccabi Haifa.

Skuadra italiane vjen në këtë përballje, me një rekord, pasi në 13 ndeshjet evropiane të këtij sezoni, nuk njeh humbje, duke regjistruar 7 fitore dhe 6 barazime.

Në krahun tjetër, kjo është finalja e parë evropiane për Olympiakos, ndërsa bëhen ekipi i dytë grek, që arrin deri në këtë fazë, pas Panathinaikosit, në vitin 1971.

Për skuadrën nga Pireu, nuk ka kujtime të bukura nga përballjet me ekipet italiane, aty ku në 7 ndeshje, janë mposhtur plot 6 herë. Megjithatë, tek Olympiakos, mund të shpresojnë tek ekperienca e trajnerit Jose Luis Mendilibar, fitues i Europa League në sezonin e kaluar me Sevilla-n.

Skuadra greke, ka në përbërjen e saj, edhe golashënuesin më të mirë të kompeticionit, El Kabbi, i cili ka shënuar 15 gola në 18 ndeshjet e këtij sezoni.

Finalja e Conference League, mes Olympiakos dhe Fiorentinës, do të luhet mbrëmjen e kësaj të mërkure, duke nisur nga ora 21:00.





Lajmet e fundit nga