web counter
LEXO PA REKLAMA!

SHKARKO APP

“Zyrtarisht” në vjeshtë/ Rikthehen reshjet e shiut, ulen temperaturat në fundjavë

8 Shtator 2022, 17:43, Sociale CNA
“Zyrtarisht” në vjeshtë/ Rikthehen reshjet e shiut, ulen
Foto ilustruese

Pas disa ditësh me mot të kthjellët dhe temperatura relativisht të larta, për ditën e premte parashikohet përkeqësimi i kushteve atmosferike për vendin tonë.

Në këtë mënyrë moti në zonën e qendrës dhe atë të jugut parashikohet me kthjellime si dhe alternime vranësirash kalimtare mesatare dhe hera-herës deri të dendura. Sipas SHMU, në zonën e qendrës këto vranësira prej orëve të mesditës do të shoqërohen me reshje shiu të herëpashershme me intensitet të ulët deri dhe mesatar në formën e shtrëngatave.

Zona e veriperëndimit parashikohet me mot kryesisht të vranët dhe reshje shiu me intensitet mesatar deri dhe të lartë në formën e rrebesheve dhe stuhive shoqëruar me breshër dhe shkarkesa elektrike. Në zonën e verilindjes reshjet e shiut do të jenë të herëpashershme me intensitet të ulët.  

Era do të fryjë me drejtim jugperëndim - verilindje me shpejtësi mesatare 1-8 m/sek, e cila hera - herës përgjatë vijës bregdetare dhe në zonat luginore fiton shpejtësi deri ne 12-15m/sek. Valëzimi në dete i forcës 2-4 ballë.

Temperaturat parashikohen:
në zona malore 14 deri 30°C
në zona e ulëta 16 deri 33°C
në zona bregdetare 18 deri 31°C





Lajmet e fundit nga