web counter
LEXO PA REKLAMA!

SHKARKO APP

App Store
Google Play

Vjeshtë përvëluese/ Temperatura nga 33 deri në 34 gradë

7 Shtator 2022, 08:06, Sociale CNA

Vjeshtë përvëluese/ Temperatura nga 33 deri në 34 gradë

Kushtet e qëndrueshme atmosferike do të jenë dominuese në të gjithë vendin tonë përgjatë gjithë 24-orëshit, ku paraditja do të ketë orë të shumta me diell në ultësirën perëndimore.

Ndërsa pasditja do të sjellë kalime të përkohshme vranësirash në një pjesë të mirë të territorit, ku më të dukshme vranësirat do të jenë në zonat verilindore.

Temperaturat e ajrit mbeten konstante në mëngjes, por do të rriten ndjeshëm në mesditë duke luhatur vlerat ditore nga 14°C deri në 33°C.

Era do të fryjë mesatarisht me shpejtësi 28 km/h nga drejtimi perëndimor kryesisht duke krijuar në brigjet detare dallgëzim të ulët.

Ndërsa nesër me 8 shtator 2022, sipas MeteoAlb, pjesa e parë e ditës parashikohet të jetë në dominimin e kthjellimeve, ku më të dukshme do të jenë në ultësirën perëndimore.

Ndërsa në zonat malore herë pas here do të ketë kalime të pakta të vranësirave.

Por gjatë pjesës së dytë të ditës pritet shfaqje e vranësirave në të gjithë territorin, ku më të fokusuara vranësirat do të jenë në zonat lindore.   

Temperaturat e ajrit do të rriten në mëngjes dhe në mesditë duke luhatur vlerat ditore nga 15°C deri në 34°C.

Era do të fryjë e lehtë dhe mesatare në det me shpejtësi 40 km/h nga drejtimi jugor – jugperëndimor duke krijuar në brigjet detare dallgëzim mbi 3 ballë./CNA.al





Lajmet e fundit nga