web counter
LEXO PA REKLAMA!

SHKARKO APP

App Store
Google Play

Rikthehen temperaturat e larta/ Shtatori nis i nxehtë

1 Shtator 2022, 08:12, Sociale CNA

Rikthehen temperaturat e larta/ Shtatori nis i nxehtë

Mbeten orët e para të ditës në vendin tonë me kthjellime dhe kalime vranësirash, të cilat më të dukshme do të jenë në orët vijuese.

Parashikohet që vranësirat herë pas here të pësojnë zhvillime pas mesdite duke gjeneruar reshje shiu në zonat malore dhe pjesërisht në zonën e ulët.

Ndërsa bregdeti do të jetë në pjesën më të madhe në dominimin e motit të qëndrueshëm.   

Temperaturat e ajrit do të vijojnë të rriten në mëngjes, por mbeten të pandryshuara në mesditë duke luhatur vlerat ditore nga 15°C deri në 34°C.

Era do të fryjë e lehtë dhe mesatare me shpejtësi mbi 35 km/h nga drejtimi verior-veriperëndimor duke krijuar në brigjet detare dallgëzim mbi 2 ballë.

Ndërsa nesër me 2 shtator 2022, sipas MeteoAlb, vendi ynë vijon të jetë në ndikimin e vranësirave të shpeshta në pjesën më të madhe të ditës.

Por parashikohet që vranësirat të pësojnë zhvillime të përkohshme duke krijuar mundësi për reshje, kryesisht në zonat veriore dhe pjesërisht ato qendrore.

Po ashtu dhe skaji juglindor pritet të ketë momente të pakta me pika shiu në zona të izoluara.   

Temperaturat e ajrit do të ulen me 2°C në mëngjes dhe në mesditë duke luhatur vlerat ditore nga 13°C deri në 32°C.

Era do të fryjë e lehtë dhe mesatare me shpejtësi 40 km/h nga drejtimi veriperëndimore duke krijuar në brigjet detare dallgëzim 3 ballë./CNA.al





Lajmet e fundit nga