web counter
LEXO PA REKLAMA!

SHKARKO APP

App Store
Google Play

E fundit!

x

Abetare e përbashkët Shqipëri-Kosovë/ Nisin trajnimet e para të mësuesve

29 Gusht 2022, 11:57, Sociale CNA

Këtë të hënë do të nisin trajnimet e para të mësuesve për Abetaren e Përbashkët Unike, mes Shqipërisë dhe Kosovës.

Lajmin e ka bërë të ditur ministrja e Arsimit, Evis Kushi përmes një njoftimi në rrjetet sociale.

Kjo abetare, do jetë në shtator në klasat e para fillore në Kosovë dhe Shqipëri.

 “Sot është dita e parë që mësuesit tanë në të gjithë vendin kthehen nga pushimet dhe fillojnë intensivisht punën për t’u përgatitur për fillimin e vitit të ri shkollor.

Nuk mund të nisnim më mbarë se sa me trajnimet e para të mësuesve për Abetaren e Përbashkët Unike, e cila tashmë është gati dhe këtë shtator do të jetë në duart e çdo vogëlushi.”shkruan Kushi.

Duke qenë se viti i ri shkollor 2022-2023 nis më parë në Kosovë më 1 shtator, e më pas në Shqipëri me 12 shtator, Ministrja Kushi informon se në datën 1 shtator, së bashku me homologen e saj Arbërie Nagavci do të bëjnë prezantimin e parë të abetares unike për nxënësit e klasave të para.

“Jam shumë e lumtur që në datën 1 shtator do të jem bashkë me Ministren Arbërie Nagavci në ditën e parë të shkollës në Kosovë, ku prej andej do të nisim promovimin e risisë më të bukur për të gjithë nxënësit dhe mësuesit. Suksese dhe punë të mbarë për të gjithë mësuesit e Shqipërisë dhe Kosovës!” – përfundon statusin Kushi./CNA.al

 

 





Lajmet e fundit nga