web counter
LEXO PA REKLAMA!

SHKARKO APP

App Store
Google Play

Vjeshta ka nisur me temperatura të larta/ Parashikimi i motit për sot dhe nesër

6 Shtator 2022, 08:05, Sociale CNA

Vjeshta ka nisur me temperatura të larta/ Parashikimi i motit për sot

Orët e para të ditës do të jenë në ndikimin e kthjellimeve në zonat bregdetare dhe të ulëta.

Ndërsa zonat malore do të kenë kalime të pakta të vranësirave. Parashikohet që pas mesdite pothuajse i gjithë territori të ketë kalime të pakta të vranësirave, por nuk pritet që të sjellin reshje shiu në vendin tonë.   

Temperaturat e ajrit do të rriten lehtë në mëngjes, por ulen në mesditë duke luhatur vlerat ditore nga 14°C deri në 30°C.

Era do të fryjë e lehtë dhe mesatare me shpejtësi 30 km/h nga drejtimi perëndimor - veriperëndimor duke krijuar në brigjet detare dallgëzim 2 ballë.

Ndërsa nesër me 7 shtator 2022, sipas MeteoAlb, kushtet e qëndrueshme atmosferike do të jenë dominuese në të gjithë vendin tonë përgjatë gjithë 24-orëshit, ku paraditja do të ketë orë të shumta me diell në ultësirën perëndimore.

Ndërsa pasditja do të sjellë kalime të përkohshme vranësirash në një pjesë të mirë të territorit, ku më të dukshme vranësirat do të jenë në zonat verilindore.

Temperaturat e ajrit mbeten kostante në mëngjes, por do të rriten ndjeshëm në mesditë duke luhatur vlerat ditore nga 14°C deri në 33°C.

Era do të fryjë mesatarisht me shpejtësi 28 km/h nga drejtimi perëndimor kryesisht duke krijuar në brigjet detare dallgëzim të ulët./CNA.al





Lajmet e fundit nga