web counter
LEXO PA REKLAMA!

SHKARKO APP

App Store
Google Play

E fundit!

x

Shtyhet për në vitin 2026-të censi i bujqësisë/ Ende mungon miratimi i projektligjit

18 Shkurt 2025, 18:23, Sociale CNA

Shtyhet për në vitin 2026-të censi i bujqësisë/ Ende

Shtyhet edhe një herë tjetër Censi i Bujqësisë në vend. Sot në Komisionin e Ekonomisë, drejtoresha e INSTAT, Elsa Dhuli u shpreh se është drejt përfundimit projektligji i vendit dhe më pas do të vijojë censi i bujqësisë. Praktikisht ky proces nuk do të realizohet këtë vit por në 2026-ën.

“Në kuadër të përgatitjeve për Censin e Bujqësisë, jemi në proces të miratimit të projektligjit. Po rishikohet strategjia e organizimit të këtij Censi, planit të aktiviteteve dhe buxhetit. Censi i Bujqësisë do të sigurojë informacione mbi module të veçanta, në të gjitha fermat bujqësore që kanë të bëjnë me: ujitjen, praktikat e menaxhimit të tokës, makineritë dhe pajisjet, pemëtarinë si dhe të dhëna për strukturën e bujqësisë, veçanërisht për njësitë e vogla administrative”,- tha Elsa Dhuli, drejtoresha e INSTAT.

Drejtoresha e Institutit të Statistikave, Elsa Dhuli tregoi në Komisionin për Ekonominë dhe Financat, edhe se çfarë do të matet nëpërmjet censit të bujqësisë dhe blegtorisë.

“Po finalizohet korniza metodologjike në bashkëpunim të ngushtë me Ministrinë e Bujqësisë, Zhvillimit Rural, duke marrë në konsideratë jo vetëm burimet administrative, por edhe rezultatet e Censit të Popullsisë dhe Banesave të realizuar në 2023. Ngritja e sistemit të teknologjisë së informacionit për mbledhjen, monitorimin dhe analizën e të dhënave, në bashkëpunim me Komisionin Europian, FAO apo Institutin”,-shtoi Dhuli.

Censi i bujqësisë ishte parashikuar për t'u zhvilluar në vitin 2022, por ky proces u shty për në 2024-ën, por as ky objektiv nuk u arrit. Afati i ri tashmë është 2026, nëse projektligji arrin të miratohet këtë vit./CNA 

 





Lajmet e fundit nga