E fundit!

15:27 Aktualitet

“Në kartelet e Ekuadorit ka edhe shqiptarë”/ Artan Hoxha zbulon lidhjet e fshehta të kokainës

Gazetari Artan Hoxha ndau sot detaje të shumta mbi të asht...

“Muzika nuk ka nevojë për shikim”/ Prej 17 vitesh DJ me aftësi ndryshe

16 Shkurt 2025, 18:17, Sociale CNA

“Muzika nuk ka nevojë për shikim”/ Prej 17 vitesh DJ me

Landi Sadiraj është një dixhej i verbër, i njohur për pasionin e tij të madh për muzikën. Ai beson se muzika nuk ka nevojë për shikim, por për vesh muzike, duke e shijuar dhe ndjerë atë me shpirt.

Prej 17 vitesh, ai ushtron këtë profesion me përkushtim të madh, duke sjellë eksperienca të veçanta për ata që ndjekin shfaqjet e tij. Pasioni i tij për muzikën ka bërë që Landi të krijojë një studio pranë shtëpisë së tij në Kaninë të Vlorës, ku punon dhe krijon projekte të ndryshme muzikore.

Ai falënderon të gjithë bashkëpunëtorët dhe ata që e kanë mbështetur, duke e ndihmuar të eci përpara në këtë rrugëtim kaq të rëndësishëm për të. Pasioni për muzikën nuk është vetëm një hobi për Landin, por një mënyrë jetese, e cila i siguron atij të ardhura për veten dhe familjen e tij.

Një aspekt tjetër i veçantë është se, përkundër aftësisë së tij të kufizuar, mungesës së shikimit, ai nuk ka përjetuar paragjykime nga njerëzit, por ka marrë mbështetje dhe respekt për aftësitë dhe pasionin e tij. Ky është një shembull i shkëlqyer për të gjithë, duke treguar se asnjë pengesë nuk mund ta ndalë dikë të arrijë ëndrrat e tij.

“Pasioni për muzikën ka ardhur që në fëmijëri. Në fillim, shikimi më ka penguar, por sapo fillova të përshtatem, e kuptova se nuk do tw ndaloja. Kam punuar shumë dhe sot mund të them se kam arritur aty ku dua. Shumë këngëtarë më kanë mbështetur në karrierën time dhe një mbështetje tw madhe kam marrë nga Rezarta Hoxha. Ajo ka qenë gjithmonë pranë meje dhe ka ofruar mbështetje maksimale. Bashkëpunimet me të kanë qenë të shumta dhe të vlefshme.

Endrra ime është të hap një studio moderne. E kam vendosur studion time në fshatin e Kaninës, pasi kjo është vendlindja ime dhe nuk do ta ndwrroja me asnjë vend tjetër. Muzika është diçka që e shijoj dhe e përjetoj, pasi është më shumë se thjesht shikimi. Kam gati 17 vjet që punoj në këtë profesion dhe e dua shumë këtë punë. Që kur isha fëmijë, dëgjoja muzikë dhe është bërë një pasion që ka mbështetur të ardhurat e familjes sime.

Në fillim, kam pasur dyshime për veten time dhe e kam ndjerë diferencën me të tjerët. Por gjithmonë kam punuar fort dhe kam arritur të kapërcej çdo pengesë. Ka pasur shumë njerëz që më kanë mbështetur, dhe tani kam një punë të ngritur, mund të përballoj çdo gjë. Ne mund të arrijmë gjithçka që dëshirojmë, sepse të ardhmen tonë e kemi vetë në dorë”, shprehet muzikanti.