web counter
LEXO PA REKLAMA!

SHKARKO APP

App Store
Google Play

Rrebeshe shiu në mesditë/ Mbrëmja largon vranësirat

8 Gusht 2022, 07:52, Sociale CNA

Rrebeshe shiu në mesditë/ Mbrëmja largon vranësirat

Orët e parë të ditës do të jenë me alternime kthjellimesh dhe vranësirash të lehta në pothuajse të gjithë territorin shqiptar.

Por parashikohet që në orët e mesditës dhe në vijim të kemi zhvillime të përkohshme të vranësirave duke krijuar mundësi për rrebeshe afatshkurtra shiu në vendin tonë.

Ndërsa mbrëmja largon vranësirat e shpeshta nga ultësira perëndimore.   

Temperaturat e ajrit do të ulen në mëngjes dhe në mesditë duke luhatur vlerat ditore nga 16°C deri në 40°C.

Era do të fryjë e lehtë dhe mesatare me shpejtësi 35 km/h nga drejtimi perëndimor - veriperëndimor duke krijuar në brigjet detare dallgëzim mbi 2 ballë.

Ndërsa, nesër me 9 gusht 2022, sipas MeteoAlb, territori shqiptar mbetet me alternime kthjellimesh dhe vranësirash për gjatë gjithë ditës.

Por pritet që vranësirat të jenë më të dukshme në orët e mesditës dhe pasdites, të cilat do të mund të sjellin shira të pakët në zonat malore, ndërsa në ultësirën perëndimore do të ketë momente të pakta me pika shiu. Orët e mbrëmjes dhe natës rrikthejnë motin e qëndrueshëm në të gjithë vendin. 

Temperaturat e ajrit do të rriten në mëngjes dhe në mesditë duke luhatur vlerat ditore nga 17°C deri në 41°C.

Era do të fryjë e lehtë dhe mesatare me shpejtësi 40 km/h nga drejtimi Veriperëndimor duke krijuar në brigjet detare dallgëzim 3 ballë./CNA.al





Lajmet e fundit nga