web counter
LEXO PA REKLAMA!

SHKARKO APP

E fundit!

x

Reshje shiu dhe dëbore/ Si parashikohet moti ditën e sotme

27 Tetor 2025, 07:03, Sociale CNA

Reshje shiu dhe dëbore/ Si parashikohet moti ditën e sotme

Ditën e sotme vendi ynë do të ndikohet nga kushte atmosferike të paqëndrueshme. Moti parashikohet me vranësira mesatare deri të dendura, si dhe alternime kthjellimesh prej orëve të mesditës e pasdite.

Do të ketë prezencë të reshjeve të shiut me intensitet mesatar në formën e shtrëngatave afatshkurtra shoqëruar me shkarkesa elektrike që në orët e para të mëngjesit kryesisht përgjatë Ultësirës Perëndimore.

Pas orëve të mëngjesit reshjet e shiut parashikohen me intensitet të ulët përgjatë Ultësirës Perëndimore, ndërsa përgjatë relieveve malore hera – herës në formën e shtrëngatave afatshkurtra. Pas orëve të mesditës reshjet humbasin territor duke u lokalizuar në relievet malore në lindje.

Sipas SHMU, në Alpe do të ketë reshje bore me intensitet të ulët. Mjegulla/mjegullina do të jetë prezente përgjatë zonave luginore në orët e mëngjesit dhe mbrëmjes, si dhe në momentin e reshjeve të shiut.

Era do të fryjë me drejtim kryesor perëndimin me shpejtësi mesatare 5 m/s, përgjatë vijës bregdetare dhe lugina era me shpejtësi deri në 10 m/s. Valëzimi në detet Adriatik dhe Jon do të jetë i forcës 1-2 ballë. /CNA





Lajmet e fundit nga