web counter
LEXO PA REKLAMA!

SHKARKO APP

App Store
Google Play

E fundit!

x

10 degët e ekonomisë, që kishin paga më të ulëta se mesatarja kombëtare më 2024

24 Tetor 2025, 18:18, Sociale CNA

10 degët e ekonomisë, që kishin paga më të ulëta

Nga 21 aktivitete ekonomike gjithsej nga bujqësia te teknologjia, në 10 prej tyre punonjësit kishin paga poshtë mesatares kombëtare më 2024.

Vitin e kaluar, paga mesatare mujore bruto sipas deklarimeve nga listëpagesat në tatime arriti në 77,4 mijë lekë, me rritje 9.8% në krahasim me vitin 2023.

Në fund të renditjes qëndron sektori i akomodimit dhe shërbimeve të ushqimit, ku paga mesatare është vetëm 50,363 lekë, rreth 35% më pak se mesatarja kombëtare. Me gjithë zhvillimet pozitive të viteve të fundit sektori mbetet ndër më pak të paguarit për shkak të dominimit të punës sezonale dhe informalitetit të lartë.

Bujqësia, silvikultura dhe peshkimi pasojnë me një pagë mesatare prej 51,307 lekësh, duke mbetur gjithashtu 33.8% poshtë mesatares kombëtare. Bizneset e lidhura me bujqësinë dhe peshkimin ofrojnë historikisht paga më të ulëta se sektorët e tjerë si rrjedhoje e produktivitetit të ulët.

Në një situatë të ngjashme ndodhet edhe sektori i aktiviteteve të ujë, kanalizime dhe menaxhimin e mbetjeve, ku paga arrin në 56,893 lekë, ende dukshëm më e ulët se mesatarja kombëtare.

Po ashtu, industria përpunuese mbetet nën nivelin mesatar, me një pagë prej 58,650 lekësh. Ky është një sektor është ofrues i madh i punonjësve me pagë, por ende bazohet të krahu i punës me kosto të ulët kryesisht industria përpunuese.

Ndërtimi është një tjetër sektor me pagë mesatare më të ulët, që në vitin 2024 arrin në 61,540 lekë ose 21% më pak se mesatarja kombëtare, ndërsa tregtia me shumicë dhe pakicë dhe riparimi i automjeteve regjistrojnë një pagë prej 64,868 lekësh. Pavarësisht rritjes së lehtë krahasuar me vitin e kaluar, këta sektorë nuk arrijnë të kapërcejnë pragun e mesatares kombëtare.

Edhe aktivitetet e tjera të shërbimit, ku përfshihen punë të natyrës artizanale apo shërbime të vogla, shënojnë një pagë prej vetëm 67,374 lekësh, ndërsa transporti dhe magazinimi arrin në 71,936 lekë, duke mbetur ende nën mesatare, megjithëse pagat në këto aktivitete shënuan rritje me mbi 10% krahasuar me vitin 2023.

Në total, janë rreth dhjetë sektorë të ekonomisë që regjistrojnë paga më të ulëta se mesatarja kombëtare, kryesisht në fusha që karakterizohen nga punësim masiv, informalitet më i lartë, teknologji më të kufizuara dhe produktivitet më të ulët.

Në anën tjetër punonjësit në organizatat ndërkombëtare kanë nivelin më të lartë të pagës, sa 234% e mesatares. Gjithashtu bankat, kompanitë e sigurimit, informacionit dhe komunikimit ofrojnë paga shumë herë më të lartë se mesatarja kombëtare.

Në grupin e pagave me nivel më të larta se mesatarja kombëtare janë aktivitetet në sektorin shtetëror të tilla si arsimi, shëndetësia, aktivitetet e administrative./ Monitor





Lajmet e fundit nga