web counter
LEXO PA REKLAMA!

SHKARKO APP

App Store
Google Play

E fundit!

x

OSHEE “bën shurdhin”/ 100 familje të pallatit AL-MAK, prej tre orësh pa energji elektrike

2 Mars 2025, 19:09, Sociale CNA

OSHEE “bën shurdhin”/ 100 familje të pallatit AL-MAK, prej

Prej më shumë se dy orësh rreth 100 familje të pallatit Al-mak në rrugën Muzaket vijojnë të jenë pa energji elektrike edhe pse nuk ka asnjë lloj fenomeni problematik natyral. Arsyeja e këtij terri në ditën e pushimit të dielë mbetet mister pasi askush nga shërbimi i klintit OSHEE (kompania përgjegjëse për riparimin e avarive në të tilla raste) nuk jep shpjegime, madje në mënyrën më fyese nuk i hap telefonin telefonuesve hallexhinj.

Megjithëse telefonatat e banorëve të goditur nga errësira drejt numrave 04 450 5270 dhe 04 450 5269 nuk kanë rreshtur, të vetmet fjalë të shqiptuara nga zëri i kompjuterit janë "PËR ARSYE SIGURIE, KJO BISEDË DO TË REGJISTROHET" dhe "NUMRI QË KENI TELEFONUAR NUK ËSHTË I DISPONUESHËM PËR MOMENTIN, JU LUTEM TELEFONONI MË VONË" apo "JENI I DYTI NË LINJË, JU LUTEM PRISNI", refrene këto që vijuan dhe vijojnë megjithëse kanë kaluar më shumë se dy orë.

Dhe, ndërsa punonjësit e shërbimit të avarive të kompanisë OSHEE vazhdojnë të “bëjnë “shurdhin” apo mashtruesin, më shumë se 100 familje të pallatit 28 (Al-mak) vijojnë të mbeten në errësirë me punët e fundjavës të lëna në gjysëm dhe mbi të gjitha pa qenë të informuar se kur do të rikthehet energjia nga ana e OSHEE që nga sa duket më shumë rëndësi i jep terezisë së qejfit të vetë se sa hallit te energjipaguesve. /CNA





Lajmet e fundit nga