web counter
LEXO PA REKLAMA!

SHKARKO APP

Kapriçot e motit/ Si parashikohen temperaturat për javën e ardhshme

15 Shtator 2024, 18:02, Sociale CNA
Kapriçot e motit/ Si parashikohen temperaturat për javën e
Foto ilustruese

Çadra, mëngë të shkurtra dhe netë të freskëta. Mund të duket pak “absurde”, por kjo do të jetë një panoramë e asaj se çfarë do të na shoqërojë për javën që presim përpara.

Vendi do të ndikohet nga kushte atmosferike kryesisht të paqëndrueshme edhe pse nuk do të mungojnë kthjellimet apo orët me diell. Kjo situatë vjen si pasojë e një qendre ciklonare (shoqëruar me masa ajrore të ftohta), e cila aktualisht ndodhet në verilindje të Rajonit të Ballkanit dhe më pas merr trajaktore drejt perëndimit të Ballkanit e më pas Europën qëndrore. Kështu, masat e ftohta zëvendësojnë masat ajrore më të ngrohta dhe anasjelltas, duke krijuar kështu edhe kontraste të forta termike, kryesisht në orët e mesditës dhe pasdites.

Moti për të gjitha ditët e javës parashikohet me kthjellime, si dhe alternime vranësirash mesatare që hera-herës do të jenë deri të dendura. Në momentin e vranësirave të dendura parashikohen reshje shiu të herëpashershme, me intensitet të ulët. Por, këto reshje në relievet kodrinore dhe kryesisht ato malore në periudha afatshkurtra do të jenë edhe në formën e rrebesheve apo shtrëngatave, shoqëruar me shkarkesa elektrike dhe breshër.

Në këtë mënyrë, në momentin e orëve me diell pritet që dhe temperaturat në pjesën më të madhe të ditëve të prekin vlerat 25-27 gradë celcius në mesditë, por edhe rënie të menjëhershme të tyre me disa gradë në momentin e reshjeve të shiut./ CNA

Kapriçot e motit/ Si parashikohen temperaturat për javën e





Lajmet e fundit nga