web counter
LEXO PA REKLAMA!

SHKARKO APP

App Store
Google Play

E fundit!

x

Importet falimentojnë fermerët në Maliq/ Kuintalë me qepë kalben dhe hidhen në kanal

11 Janar 2025, 17:57, Sociale CNA

Importet falimentojnë fermerët në Maliq/ Kuintalë me

Kuintalë me qepë dhe patate të prodhuara në Maliq po kalben dhe janë hedhur në kanal për shkak të importeve nga Serbia dhe vende të tjera të rajonit.

Fermerët kanë ngritur shqetësimin dhe kanë drejtuar gishtin e akuzës nga qeveria dhe Ministria e Bujqësisë, duke thënë se nuk e mbajtën premtimin për mbrojtjen e produkteve vendase.

“Kam prodhuar 1500 kuintal qepë dhe gjysmën e kam derdhur në kanal se s’ka treg. Vijnë qepët nga jashtë, nga Serbia e vende të tjera. Unë investova 15 mijë euro dhe kam marrë deri tani 4 mijë euro”, tha një fermer.

Fermerët kanë kërkuar kompensim nga qeveria pasi sasia e mbetur e prodhimeve është më e madhe se vitet e shkuara.

“Nuk shitet se vjen malli nga jashtë. Unë bëra 700 kuintal dhe s’kam shitur as 250 kuintal. Ku të shkoj, ku te mbytem! Me këtë punë jetojmë të gjithë si familje dhe me një pension 13 mijë lek në muaj”, tha një fermere e Maliqit.

“Shteti duhet të na dëmshpërblejë se ky dëm na erdhi nga shteti, jo nga natyra (moti). Ne duam dëmshpërblim se ministrja na premtoi se do na mbështesë, por asgjë nuk bëri. Të mblidhet Qeveria se fermeret kanë humbje të mëdha! Unë për vete kam 100 mije euro dëm nga prodhimi i mbetur në stok”, tha një kultivues./ CNA





Lajmet e fundit nga