web counter
LEXO PA REKLAMA!

SHKARKO APP

App Store
Google Play

E fundit!

x

Si po shuhen pak e nga pak zanatet/ Mjeshtri i gurit: Nuk stimulohen të rinjtë për profesionet

11 Janar 2025, 15:45, Sociale CNA


Përgjatë dy dekadave Gjirokastra ka humbur më shumë se 28 km rrugë të brendshme të shtruara me kalldrëm.

Nevoja funksionale e shumë prej segmenteve historikë solli mbulimin e tyre me beton.

Mjeshtrat e punimit të gurit emigruan për të ndërtuar rrugë e shtëpi në Greqi. Ka vetëm pak vite që zhurmat e gurgdhendjes po rikthehen.

Selam Rondo dhe skuadra e tij po riparojnë një rrugë me kalldrëm në zonën historike të qytetit.

Mjeshtri pranon se ky profesion është një lloj arti dhe një nga vlerat më të rëndësishme të qytetit.

Teknika e ndërtimit me dorë dhe sy sipas mjeshtrit merr kohë, kërkon durim dhe sekreti qëndron pas latimit të çdo guri.

“Unë po bëj rreth 15 vite që merrem me këtë zanat. Dhe ta them troç është zanati që më pëlqen më shumë. Është kalldrëmi, plus edhe ndërtimet e tjera, muret e gurit. Kemi një trashëgimi familjare dhe këtë zanat e kanë pasur edhe familjarë të tjerë si Xhemali Rondo. Edhe unë jam po nga ky fis. Dhe së dyti përderisa është një zanat që më pëlqen jap edhe një ndihmesë timen për një zanat që është gati në zhdukje“, tregon mjeshtri i gurit, Selam Rondo.

Gjirokastra ka nevojë çdo vit për riparime të shumta në banesa dhe rrugë, mure mbajtëse dhe çati por skuadrat e punimit të gurit janë ende të pakta./ CNA





Lajmet e fundit nga