web counter
LEXO PA REKLAMA!

SHKARKO APP

App Store
Google Play

E fundit!

x

Jeta e vështirë e të moshuarve/ Çifti në Gjirokastër jeton në kushte të vështira ekonomike

9 Janar 2025, 16:00, Sociale CNA
Jeta e vështirë e të moshuarve/ Çifti në
Çifti i të moshuarve, në Gjirokastër

Silvana Braho është një ndër shumë pensionistet e mbetura vetëm në Gjirokastër.

Shpopullimi dhe largimi i të rinjve është bërë shkak për mijëra pensionistë në Qarkun Jugor që vitet e pleqërisë t'i kalojnë në vetmi.

Silvana sot është 79 vjeçe dhe bashkëshorti i saj 86 vjeç, të dy jetojnë në një dhomë e cila në kohë me shi pikon nga tavani.

Silvana ka punuar gjithë jetën e saj si infermiere në spital, por kurrë nuk e kishte menduar që demokracia do ta linte të vetmuar dhe me një pension që s'e arrin dot fundin e muajit.

Në shtëpinë e tyre mbizotëron skamja, mjerimi dhe një mal me ilaçe dhe malli për fëmijët e larguar janë shoqëruesit e ditëve të tyre.

“Kurrë se prisja këtë situatë në të vërtetë kërkuam demokraci, por jo kështu unë kam punuar 36 vite në spital, nuk marr asnjë ndihmë nga bashkia apo qeveria, pensioni është vetëm për ilaçe ja shiko pak sa kam këtu, ilaçet me rimbursim na bëjnë keq, sëmuremi më shumë. Fëmijët kanë ikur, ne jemi për të vdekur po kush do na varrosë”, shprehet Silvana për CNA.

Fshatrat e Gjirokastrës dhe qyteti e zonat përreth shfaqin të njëjtën panoramë, të moshuar të vetmuar të cilët sytë i mbajnë nga dera në pritje të fëmijëve të larguar në emigrim./CNA





Lajmet e fundit nga