web counter
LEXO PA REKLAMA!

SHKARKO APP

App Store
Google Play

E fundit!

x

Historia e pabesueshme e nipit me tezen/ Gënjeshtra që e mbajti “mbërthyer” për 10 vite

19 Mars 2024, 20:00, Sociale CNA
Historia e pabesueshme e nipit me tezen/ Gënjeshtra që e mbajti
Lawson Spolansky

Një adoleshent ka mbetur zemërthyer pasi mësoi se shoku i tij më i mirë prej dhjetë vitesh ishte në fakt një aktor i punësuar nga tezja e tij.

Lawson Spolansky rrëfeu historinë e tij në rrjetet sociale. Ai tregoi se gjithçka filloi në korrik të 2012-ës, kur ai ishte vetëm 5 vjeç.

I riu tha se nuk ishte mirë me mësime dhe se kishte disa probleme me sjelljen. Tezja e tij pagoi një aktor që të niste një miqësi me nipin, duke inskenuar edhe mënyrën e njohjes.

Duke luajtur, Lawson u rrëzua dhe lëndoi gjurin. Në këtë moment, aktori i quajtur Dexter iu afrua dhe filloi të bënte shaka me të, ndërkohë që ai qante.

Bashkë me nënën e tij, aktori e ndihmoi. Kur filloi viti i ri shkollor, Dexter shkoi në klasën e tij dhe u ulën pranë njëri-tjetrit.

Që atëherë, ata u bënë miq të mirë. Por në vitin 2018, Lawson tregon se filloi të kishte dyshime. Ai kishte planifikuar një udhëtim me shokun e tij me paratë që i dhuruan për ditëlindje, por në momentin e fundit aktori ia kishte anuluar.

Pak ditë më vonë, ai kishte parë foto të tezes së tij në rrjetet sociale, ku ishte në pushime me Dexter dhe nënën e këtij të fundit. Adoleshenti rrëfeu se këtë udhëtim ata e justifikuan si një rastësi, tezja e tij ishte për pushime dhe Dexter me nënën për të parë një shtëpi.

Në vitin 2021, Lawson filloi shoqëri me një djalë që punonte për familjen e Dexter dhe kështu mësoi gjithçka.

I riu tha se u shokua edhe më tepër kur mësoi se terapistja ku merrte udhëzime ishte motra e menaxherit të Dexter.

Lawson bën të ditur se ai u përball me Dexter dhe ky i fundit i konfirmoi gjithçka, duke lënë zemërthyer të riun dhe mosbesues në shoqëri./ CNA





Lajmet e fundit nga