E fundit!

10:49 Aktualitet

Helmimi i kursantëve në Akademinë e Sigurisë/ "Zgjohet" AKU

Pas nisjes së hetimeve nga Policia dhe Prokuroria, është z...

Digjet stalla me derra në Ravonik të Korçës/ Dëmi rreth 10 milionë lekë

20 Mars 2025, 11:29, Sociale CNA

Digjet stalla me derra në Ravonik të Korçës/ Dëmi

Një zjarr i madh ka përfshirë mëngjesin e sotëm një stallë në fshatin Ravonik të Korçës, duke shkaktuar dëme të mëdha dhe duke lënë pronarin e saj në vështirësi të shumta ekonomike.

Daniel Frashëri, i cili kishte investuar prej dy vitesh në këtë fermë, u përball me pamjen e rëndë të stallës së tij të djegur. Ai tregon se kishte mbi 30 derra, të cilët u dogjën të gjithë, ndërsa gjithçka tjetër, përfshirë bazën ushqimore dhe investimet e tij, u shkatërrua plotësisht.

Digjet stalla me derra në Ravonik të Korçës/ Dëmi

"Kur erdha unë, gjeta zjarrin, ishte në flakë gjithë bagëtia. Bagëtia ishte djegur, baza ushqimore, gjithçka është djegur. Kisha mbi 30 derra, m'u dogjën të gjithë. Asgjë s'ka mbetur, siç e shikoni dhe vetë. Unë vetëm me këtë vërtitesha, jam i divorcuar me dy fëmijë, e kam kujdestarinë vetë dhe ishte diçka që unë kam hedhur lekë, shpenzime mbi 2 vjet. S’më kanë dhënë ndonjë shpjegim, po presim të bëjnë ekspertizën. Nuk besoj të jetë i qëllimshëm, se këtu ka shumë qen dhe s'mund të hyjë dikush. S’e di nga se ka ardhur zjarri, edhe mund të jetë e qëllimshme",-shprehet pronari.

Me një ndihmë ekonomike prej vetëm 45 mijë lekësh të vjetër, ai u bën thirrje institucioneve dhe bashkisë për ndihmë, pasi dëmi i tij llogaritet në rreth 10 milionë lekë.

Digjet stalla me derra në Ravonik të Korçës/ Dëmi

"Unë kam dy vite këtu, kam marrë kredi diku, 5 milionë si fillim, pastaj në dy vite kam investuar vazhdimisht. Dëmi shkon diku te 10 milionë lekë. Unë kërkoj ndihmë nga bashkia. S'kam çfarë bëj. S'kam asnjë lloj të ardhure tjetër përveç një ndihme ekonomike prej 45 mijë lekësh (të vjetër). I kërkoj bashkisë e institucioneve të më ndihmojnë se nuk kam ç'të bëj më",-thotë pronari.

Shkaqet e zjarrit mbeten ende të paqarta, ndërsa autoritetet po kryejnë hetime për të përcaktuar origjinën e tij. /CNA