web counter
LEXO PA REKLAMA!

SHKARKO APP

App Store
Google Play

E fundit!

x

Paguajnë faturat, por kanë mungesë uji/ Banorët e dy lagjeve në Vlorë ngrenë shqetësimin

19 Mars 2025, 13:26, Sociale CNA

Paguajnë faturat, por kanë mungesë uji/ Banorët e dy lagjeve

Banorët e lagjeve "28 Nëntori" dhe "Hajro Çakërri" në qytetin e Vlorës përballen me mungesë uji, megjithëse paguajnë faturat.

Banorët e pallatit në lagjen "28 Nëntori", pranë ish-Shtëpisë së Oficerëve, kanë më shumë se një vit që ankohen për mungesën e ujit. Pavarësisht përpjekjeve dhe ankesave të shumta drejtuar Ujësjellësit, situata ka mbetur e pandryshuar, me vetëm 1 orë ujë në ditë.

Paguajnë faturat, por kanë mungesë uji/ Banorët e dy lagjeve

Gjatë muajve korrik, gusht dhe shtator, lagjja ka mbetur pa ujë, edhe pse ndodhet në mes të qytetit. Edhe më shqetësuese është se, ndërsa banorët paguajnë rregullisht faturat e ujit, ata vazhdojnë të mos kenë ujë për përdorim.

Paguajnë faturat, por kanë mungesë uji/ Banorët e dy lagjeve

Po ashtu, banorët e lagjes "Hajro Çakërri" janë pa ujë të pijshëm për më shumë se një javë për shkak të një defekti. Ata kanë bërë ankesë pranë Ujësjellësit të Vlorës, por situata ende nuk është zgjidhur, duke përjetuar të njëjtën problematikë.

"Nuk mund të jetojmë kështu. Më mirë pa bukë sesa pa ujë. Nuk mund të presim dot mysafirë në shtëpi, pasi jemi të detyruar ta blemë ujin, edhe pse paguajmë faturat për të",-shprehen banorët të shqetësuar./CNA 





Lajmet e fundit nga