web counter
LEXO PA REKLAMA!

SHKARKO APP

App Store
Google Play

E fundit!

x

“Fortlumturia e Tij Joani do të vijojë me shumë dashuri punët dhe veprat e mira”/ Meta uron Kryepiskopin e ri

16 Mars 2025, 13:40, Sociale CNA

“Fortlumturia e Tij Joani do të vijojë me shumë dashuri

Kryetari i Partisë së Lirisë, Ilir Meta ka uruar në rrjetet sociale zgjedhjen e Fortlumturisë së Tij, Joanit si Kryepsikop i Kishës Ortodokse Autoqefale Shqiptare.

Meta shkruan se është i lumtur për zgjedhjen e Fortlumturisë së Tij, Joanit dhe ka punuar me të kur ishte drejtues i Mitropolisë së Korçës.

“Në këtë moment historik për Kishën Ortodokse Autoqefale të Shqipërisë i shpreh urimet më të përzemërta Fortlumturisë së Tij, Joan Pelushit për zgjedhjen nga Sinodi i Shenjtë në detyrën e lartë të Kryepeshkopit të Tiranës, Durrësit dhe të gjithë Shqipërisë. Jam dy herë i lumtur për zgjedhjen në këtë detyrë shumë të rëndësishme të një personaliteti të jashtëzakonshëm, të cilin e njoh nga afër dhe kam patur fatin të bashkëpunoj në detyrat e larta shtetërore kur Ai drejtonte Mitropolinë e Shenjtë Korçë.

Jam besimplotë se me bekimet e Zotit Fortlumturia e Tij Joani do të vijojë me shumë dashuri punët dhe veprat e mira në shërbim të Kishës Ortodokse Autoqefale dhe besimtarëve ortodoksë shqiptarë, në përçimin e vlerave shpirtërore dhe mësimeve të shenjta, të paqes dhe të forcimit të harmonisë tonë ndërfetare, shembull frymëzues për mbarë botën. Edhe njëherë dua të shpreh mirënjohjen më të thellë për kontributin e madh, të paharruar dhe gjithmonë të vlerësuar të Kryepeshkopit të ndjerë Anastas Janullatos për ringritjen e Kishës dhe për edukimin e brezave të rinj të klerikëve ortodoksë.

Të gjitha "përrallat" në lidhje me vendimin tim për dhënien e shtetësisë shqiptare për Kryepeshkopin Anastas, morën sot përgjigjen e merituar. Edhe njëherë urime Fortlumturisë së Tij, Joan Pelushit dhe të gjithë besimtarëve ortodoksë shqiptarë”, shkruan Meta./ CNA





Lajmet e fundit nga