web counter
LEXO PA REKLAMA!

SHKARKO APP

App Store
Google Play

E fundit!

x

“Puna dhe devocioni i tij ia doli të ringrejë një kishë të denjë fetarisht”/ Salianji uron Fortlumturinë e Tij, Joanin

16 Mars 2025, 14:38, Sociale CNA

“Puna dhe devocioni i tij ia doli të ringrejë një

Ish-deputeti, Ervin Salianji me anë të një statusi në rrjetet sociale ka reaguar për zgjedhjen e Kryepiskopit të ri, Fortlumturisë së tij, Joanit.

Salianji shkruan se zgjedhja e Fortlumturisë së tij, Joanit ka shënuar një kulm shpirtëror.

Ish-deputeti thotë se puna e Forlumturisë së Tij, Joanit në krye të Mitropolisë së Korçës ringriti një kishë të denjë.

“Zgjedhja e sotme, si Kryepiskop i Tiranës dhe gjithë Shqipërisë, i Fortlumturisë së tij, Imzot Joanit, shënoi një kulm shpirtëror! Fronëzimi i tij, 27 vite më parë, në Korçë, ishte si pika kulmore që solli ringritjen e plotë të Kishës Ortodokse Autoqefale të Shqipërisë.

Puna dhe devocioni i tij, në krye të mitropolisë më të madhe ortodokse në vend, ia doli të ringrejë një kishë të denjë fetarisht dhe kombëtarisht, me mbështetje dhe në ndihmë të besimtarëve, duke u bërë pasardhës i denjë i paraardhësve të tij, Jerothe Jahos, Kristofor Kisit, Fan Nolit, Vangjel Çamçes, Evllogji Kurillës dhe Pais Vodicës!

Uroj që në gjurmët e peshkopëve martirë shqipëtare, Imzot Joani të jetë i denjë në detyrën e tij të shenjtë dhe ta drejtojë Kishën Ortodokse Autoqefale të Shqipërisë në zhvillim dhe forcim të mëtejshëm, në kapitullin e saj të ri historik. I denjë”, shkruan Salianji./ CNA





Lajmet e fundit nga