E fundit!

11:14 Aktualitet

Zbulohet "projekti"/ "Kumbari" që i thotë "f*ck you" popullit të tij, kërkon të bëhet mbret

Deputeti i Partisë Demokratike, Belind Këlliçi, ka akuzuar...

La kryeqytetin për Gjirokastrën/ Mjekja kardiologe prej 5 vitesh në shërbim të pacientëve

19 Mars 2025, 15:11, Sociale CNA

La kryeqytetin për Gjirokastrën/ Mjekja kardiologe prej 5 vitesh

Jona Leka i përfundoi studimet 11 vite më parë në Mjekësi, duke u specializuar në Kardiologji në shtetin fqinj, Itali. Prej disa vitesh po shërben në rajonin jugor si kardiologe. I qëndron besnike betimit të Hipokratit, duke shkuar ajo vetë tek pacientët, duke e ndarë punën në gjithë këto vite mes Gjirokastrës, Tepelenës, Përmetit e Fierit.

Çdo ditë pranë ambienteve të Spitalit Rajonal ka me dhjetëra pacientë të cilët i besojnë doktoreshës shëndetin e tyre. Doktoreshë Jona ka lënë kryeqytetin dhe është gjendur në rajonin jugor në shërbim të komunitetit, pasi edhe nevojat për specialistë në Spitalin Rajonal “Omer Nishani” janë të larta.

La kryeqytetin për Gjirokastrën/ Mjekja kardiologe prej 5 vitesh

“Kur e mendoj, tani kam 11 vite që kam mbaruar studimet në mjekësi. Jam prej 4 vitesh kardiologe. Dëshira ime ka qenë gjithmonë të jem mjeke. Arrita ta realizoj me shumë punë dhe mund, por patjetër që shkoi në linjën që unë dëshiroja. Në mjekësi kam eksploruar fusha të ndryshme, para se të zgjidhja kardiologjinë edhe të gjeja veten në këtë specialitet. Perfundimi i studimeve u shoqërua me eksperienca pune në shumë qytete. Kam arritur të kem njohuri shumë të mira të epidemiologjisë. Jam në Gjirokastër, por jam e lumtur, pasi kam përftuar shumë gjatë punës në disa spitale. Kam punuar 1 vit rresht për donacion shumë të rëndësishëm",-shprehet Leka.

Mjekja Leka, gjatë viteve të shërbimit ndaj qytetarëve ka disa momente të cilat i veçon si sfida, të cilat sot për të janë totalisht si të arrira. E tillë ka qenë periudha e Covid-19.

La kryeqytetin për Gjirokastrën/ Mjekja kardiologe prej 5 vitesh

“Pandemia është periudha më e komplikuar dhe e vështirë, me shumë sfida shumë punë dhe rezultate që të gjithë do donim të ishin, shumë herë më të larta dhe besoj se gjatë asaj periudhe ne ia kemi dalë",-tha mjekja.

Jona pritet çdo ditë nga pacientë, të cilët sipas tyre i shëron vetëm me fjalë. Dhe teksa bisedon me të largimin nga Shqipëria, nuk e konsideron asnjëherë si mundësi./CNA