web counter
LEXO PA REKLAMA!

SHKARKO APP

App Store
Google Play

E fundit!

x

Tetori rozë/ Mjekja: Ja kur duhet t’i nisni kontrollet për kancerin e gjirit

30 Shtator 2022, 09:14, Shëndeti CNA

Tetori rozë/ Mjekja: Ja kur duhet t’i nisni kontrollet për

Tetori është muaji i sensibilizimit për kancerin e gjirit. Muaji i ndërgjegjësimit është një fushatë vjetore ndërkombëtare që synon të shpërndajë informacion dhe të edukojë njerëzit për rëndësinë e shëndetit të gjirit, për zbulimin e hershëm të kancerit të gjirit te gratë dhe vajzat në të gjithë botën.

Si rrjedhojë, Dr. Shk. Albana Shahini, radiologe në “Spitalin Amerikan 1” ishte e ftuar këtë të premte në emisionin “Abc-ja e mëngjesit”, ku bëri thirrje për të kryer sa më shumë kontrolle jo vetëm në këtë muaj por gjatë gjithë vitit.

“Të gjithë ne japim kontrubitin tonë ndaj këtij ndërgjegjësimi, dhe duke qenë se ka kohë që punoj në këtë fushë, shikoj interes për të kontrolluar gjirin. Ka paciente që vijnë në mënyrë kronike, që dëgjojnë nga shoqet dhe drejtohem për kontrolle por dhe pacientë që shikojnë informacione në TV dhe vijnë për t’u vizituar.

Ka shtim të rasteve të vizitave në tetor sepse mediat informojnë dhe të gjithë e njohin si muajin e gjirit. Çdo tumor ka një ditë dhe nuk është bërë kot, por për të ndërgjegjësuar njerëzit. Gjiri ka një muaj të tërë dhe do të doja si tetori të ishte ndërgjegjësimi në të gjithë vitin, por të jemi vigjilentë gjatë gjithë kohës.

Doktoresha theksoi se kontrollet janë të nevojshme, sidomos kur pacienti ka një historik familjar nga kjo sëmundje.
“Në rastet kur kemi historik familjar, prirja për një karcinomë të gjirit është më e madhe. Ata pacientë që kanë histori familjare, do të doja t’i fillonin kontrolloet të paktën 10 vjet më herët sesa mosha e familjarit me këtë sëmundje. Dhe sa më e afërt të tjerë familjari si gjenerata e parë si nëna, motra apo e gjeneratës së dytë si gjyshja, kontrollet të jenë të rregullta.

Nëse ka pasur kontroll agresiv, çdo vit të bëhet rezonancë. Ka disa struktura të gjirit që janë të dendura dhe duke iu dedikuar moshës së re, e vështirëson më shumë diagnostikimin e hershëm, prandaj preferohet rezonanca në këto raste.

Për të tjerët, për vajzat e reja rekomandohet një ekografi një herë në vit deri në moshën 40 vjeç. Ndërsa për gratë pas 40 vjeç të fillonin me një mamografi dhe në varësi të kësaj vendosim nëse duhet një ekzaminim tjetër.

Mosha 20 vjeç është ideale për të filluar kontrollet e gjirit, por ka dhe 14-15 vjeçe që detektojnë patologjitë e gjirit. Janë disa tumore që formohen me formimin e gjirit, por ndonjëherë rriten në mënyrë të pakontrolluar duke krijuar një nëntip që ka shanse për t’u kthyer në sëmundje malinje. Prandaj në këtë grupmoshë, sa herë që prekin diçka jonormale duhet të kontrollohen”, tha doktoresha.





Lajmet e fundit nga