web counter
LEXO PA REKLAMA!

SHKARKO APP

App Store
Google Play

E fundit!

x

Studimi/ Si ndikon pirja e çajit në rrezikun e diabetit

29 Shtator 2022, 16:29, Shëndeti CNA
Studimi/ Si ndikon pirja e çajit në rrezikun e diabetit
Foto ilustruese

Sipas Organizatës Botërore të Shëndetësisë, rreth 422 milionë njerëz jetojnë me diabet në mbarë botën.

Lloji më i zakonshëm është diabeti i tipit 2, i cili ndodh kur trupi nuk mund të prodhojë insulinë të mjaftueshme ose bëhet rezistent ndaj insulinës.

Disa studime kanë zbuluar se konsumi i përditshëm i çajit jeshil është i lidhur me një rrezik më të ulët të diabetit të tipit 2 dhe sjell një rrezik më të ulët të vdekshmërisë nga të gjitha shkaqet tek njerëzit me diabet.

Kohët e fundit, studiuesit kryen një meta-analizë të 19 studimeve nga tetë vende për të hetuar efektet e konsumit të çajit të zi, jeshil dhe oolong në rrezikun e diabetit të tipit 2.

Ata zbuluan se pirja e 4 ose më shumë filxhanëve çaj në ditë mund të zvogëlojë rrezikun e diabetit.

"Pirja e çajit nuk duket të jetë e dëmshme dhe mund të sjellë një përfitim të vogël në reduktimin e rrezikut të diabetit. Ushqime të tjera të pasura me polifenole kanë treguar efekte të ngjashme", tha Dr. Kashif Munir për Medical News Today.

Meta-analiza u prezantua në Takimin Vjetor të Shoqatës Evropiane për Studimin e Diabetit në Stokholm të Suedisë.

Studimi/ Si ndikon pirja e çajit në rrezikun e diabetit

Studiuesit analizuan të dhënat nga 5,199 të rritur që nuk kishin diabet në fillim të studimit dhe u ndoqën nga viti 1997 deri në 2009.

Në total, 45.76% e pjesëmarrësve raportuan se pinin çaj dhe 10.04% e grupit u prekën nga diabeti i tipit 2 gjatë periudhës së studimit.

Studiuesit zbuluan se ata që pinin 1-3 filxhanë çaj në ditë kishin një rrezik 4% më të ulët për diabetin e tipit 2 sesa ata që nuk pinin.

Ata që pinin të paktën katër filxhanë çaj në ditë, kishin një rrezik 17% më të ulët për diabetin e tipit 2 sesa ata që nuk pinin çaj.

Studiuesit vunë re se rezultatet e tyre ishin të njejta pavarësisht nga lloji i çajit, gjinia dhe vendi e jetesës. Ata vunë në dukje se kjo sugjeron se efektet e dobishme të çajit në rrezikun e diabetit mund të lidhen me sasinë e konsumuar, në krahasim me faktorët e tjerë.

 

Si mund ta ulë çaji rrezikun e diabetit?

Kur u pyet se si pirja e çajit mund të zvogëlojë rrezikun e diabetit të tipit 2, Dr. Munir tha:

"Çaji dihet se përmban polifenole ushqimore, të tilla si EGCG, të cilat reduktojnë rezistencën ndaj insulinës dhe përmirësojnë funksionin endothelial, i cili është i rëndësishëm për rregullimin e përgjigjes imune, mpiksjen e gjakut dhe zgjerimin ose ngushtimin e enëve të gjakut. Këto efekte mund të kenë efekte të dobishme në homeostazën e glukozës dhe të përmirësojnë rrezikun e diabetit".

Studimi/ Si ndikon pirja e çajit në rrezikun e diabetit

Dr. Mandy Willig , profesor i asociuar i sëmundjeve infektive në Universitetin e Alabama në Birmingham, i cili nuk ishte i përfshirë në studim, tha gjithashtu:

"Ne nuk kemi identifikuar një mekanizëm specifik për pirjen e çajit për të reduktuar rrezikun e diabetit. Polifenolet dhe katekinat në çaj mund të përmirësojnë ndjeshmërinë e trupit ndaj insulinës ose të veprojnë si pastrues të llojeve reaktive të oksigjenit. Megjithatë, sasia e polifenoleve dhe katekinave në çdo filxhan çaji ndryshon shumë në varësi të llojit të çajit, mënyrës se si përgatiten dhe ruhen gjethet e çajit dhe çfarë përbërësish të tjerë i shtohen çajit.

Të tjera studimet zbuluar se çaji jeshil mund të ulë nivelet e sheqerit në gjak, duke rritur prodhimin e insulinës tek minjtë.

Ndërkohë, çaji i zi mund të pengojë obezitetin, një faktor rreziku për diabetin, duke nxitur tranzicionin e yndyrës së bardhë në yndyrë kafe, duke ndihmuar kështu humbjen e peshës, rregullimin e glukozës në gjak dhe metabolizmin e yndyrës".

Studiuesit arritën në përfundimin se konsumimi i përditshëm i çajit mund të zvogëlojë rrezikun e diabetit të tipit 2./ B.A. - CNA.al

 





Lajmet e fundit nga