E fundit!

09:16 Kronika

Shpërthen tritoli në Lezhë

Një shpërthim me tritol ka ndodhur në Lezhë në orët e para...

Stresi i verës dhe ndikimi në zorrë

3 Gusht 2024, 15:31, Shëndeti Dr. Ilir Allkja

Foto ilustruese

Është fakt që për njerëzit e angazhuar, stresi është një pjesë e pashmangshme jetës.

Problemet e shumta në punë, pasiguria nga njëra anë dhe ambiciet për të arritur qëllimet gjenerojnë stres.

Jeta familjare, keqkuptimet, mosrealizimet, vështirësitë me fëmijët, prindërit, etj. janë gjithashtu një burim stresi.

Ndotja mjedisore nga makinat, ndërtimet, plehrat, shto këtu edhe muzikën me volum të lartë në baret poshtë pallatit janë padyshim një burim i vazhdueshëm stresi.

Në fakt kjo është jeta normale në Tiranë, por organizmat tanë nuk mendojnë se është normale!

Pavarësisht nëse është një ngjarje e vogël apo e madhe, trupi juaj e trajton atë në të njëjtën mënyrë... duke çliruar hormonet e stresit.

Bakteret e mira të zorrëve (lactobacilet) menaxhojnë hormonet tuaja të stresit. Nëse këto hormone vazhdimisht përmbytin trupin tuaj për shkak të ngjarjeve stresuese, atëherë bakteret tuaja të mira të zorrëve mund të mbingarkohen.

Ata mund të kenë vështirësi të bëjnë punën e tyre si: mbajtja larg e mikrobeve patogjenë, të fermentojnë e fraksionojnë ushqimet, përthithin vitaminat, etj.

A e dini se si ndikon stresi në zorrën tuaj?

Studimet tregojnë se sa herë jemi të stresuar, kjo mund përfshijë dhunën, dietën e dobët, infeksionet, problemet me partnerin, me punën e më shumë, kolonitë e baktereve të mira zvogëlohen.

Edhe stresi i lehtë mund të ndryshojë ekuilibrin në zorrën tuaj, duke ju bërë atë më të prekshme nga infeksionet si dhe të kontrobuojë në një sistem nervor të dobësuar.

Takoj persona të stresuar të cilët ankohen se vazhdimisht kanë ftohtë... A e dini çdo të thotë kjo?

Studimet tregojnë se njerëzit reagojnë shumë ndryshe ndaj stresit bazuar sipas popullatës së baktereve në zorrën e tyre.

Po listoj 3 këshilla për të ndihmuar zorrën tuaj të mundë stresin:

1?. Ushqeni mikroflorën tuaj me ushqime të fermentuara kos natyral, kefir dhe një larmi perimesh (sidomos kruçiferet) si dhe frutash, të gatuara ose të papërpunuara.

2?. Merrni probiotikë.

3?. Flini mjaftueshëm.

Kujdesuni për trupin tuaj, është pasuria më e madhe që keni!