E fundit!

19:20 Politikë

Situata në Banjat termale të Bënjës/ Reagon Rama: Tjetër “raketë” digjitale për manipulim

Kryeministri Edi Rama ka reaguar pak minuta më parë lidhur...

Shenjat që jep trupi dhe si të kuptoni dhimbjet e apendicitit

3 Korrik 2024, 07:26, Shëndeti CNA

Shenjat që jep trupi dhe si të kuptoni dhimbjet e apendicitit

Foto ilustruese, marrë nga Google

Në ditët e sotme, sa herë që kemi një dhimbje ose problem shëndetësor, gjëja e parë që bëjmë është të kërkojmë në internet. Një lojë doktorësh, që nuk na takon ta luajmë për hir të shëndetit. Le të marrim shembullin e dhimbjeve të stomakut që shpesh ngatërrohen me ato të apendicitit.

Duke qenë se çdo dhimbje është specifike dhe ka padyshim një shkak, interneti nuk mundet të na e tregojë as sqarojë, sepse çdo problem mund të diagonstikohet vetëm nga mjeku.

Çfarë është apendiciti?

Apendiciti është një organ i vogël në formën e gishtit që ndodhet në anën e poshtme të djathtë të abdomenit. Në moshë të vogël, apendiksi është shumë i dobishëm për sistemin imunitar. Ai ndihmon trupin të luftojë sëmundjet. Me kalimin e moshës, apendiciti resht së funksionuari dhe është i panevojshëm.

Çfarë është apendiciti?

Apendiciti është një sëmundje që shkaktohet nga bllokimi dhe inflamacioni i apendiksit. Ky inflamacion shkakton vështirësi në qarkullimin e gjakut.

Organi mund të shpërthejë duke e shpërndarë infeksionin në pjesë të tjera të sistemit tretës. Nëse apendiciti nuk trajtohet në kohë, mund të jetë vdekjeprurës.

Cilat janë simptomat e apendicitit?

Apendiciti shfaqet me shumë simptoma, por ato kryesoret janë:

-Dhimbje të forta barku,
-Të vjella dhe të përziera,
-Konstipacion ose diarre,
-Fryrje abdominale
-Temperaturë dhe ethe
-Humbje e oreksit

Si të kuptoni nëse ka shpërthyer apendiciti?

Për fat të mirë, apendiksi nuk shpërthen pa paralajmërim. Sipas mjekëve, njeriu përballet si fillim me simptomat e mësipërme dhe më kryesorja është dhimbja e mprehtë e barkut përreth kërthizës dhe me drejtim në anën e djathtë të poshtme të barkut.

Pra, dhimbja e fortë që shpërndahet në zonën e stomakut është shenja më kryesore. Dhimbja përshkruhet si e padurueshme dhe duket sikur bëhet më e fortë pas çdo lëvizjeje. Kolla apo teshtima mund ta përkeqësojnë atë. Nëse mendoni se apendiksi juaj ka shpërthyer ose është shumë pranë shpërthyerjes atëherë duhet të nxitoni menjëherë drejt spitalit./AgroWeb.org