E fundit!

21:35 Politikë

Mundësia e dorëheqjes/ Juristi: Në rast zgjedhjesh të parakohshme, Rama mund të luajë bllofin

Juristi Kreshnik Spahiu ka ndarë sot një paralajmërim mbi ...

Përse mushkonjat na bëjnë zhurmë në vesh?

2 Maj 2024, 08:55, Shëndeti CNA

Përse mushkonjat na bëjnë zhurmë në vesh?

Foto ilustruese

Mushkonjat janë ndër krijesat më të urryera në planet. Ato janë të afta të na lënë pa gjumë, por edhe të ushqehen me gjakun e njeriut dhe të kafshëve të tjera duke shkaktuar kështu një sërë sëmundjesh të ndryshme.

Besojeni ose jo, kur vjen puna te sëmundjet, mushkonjat janë krijesat më vdekjeprurëse në tokë.

Mushkonjat bëjnë një punë të shkëlqyer në frustrimin e njeriut, veçanërisht kur sapo e ka zënë gjumi.

Zhurma e mushkonjës shumë pranë veshit është padyshim zhurma më acaruese.

Ajo të ndërpret gjumin njëherë e mirë dhe pasohet nga një pickim i fortë që shkakton kruarje.

Natyrshëm lind pyetja: “Përse mushkonjat bëjnë atë zhurmën e tmerrshme kaq pranë veshit të njeriut”?

Përgjigjja është shumë e thjeshtë.

Zhurma që ne dëgjojmë është ajo e rrahjes së flatrave të imëta.

Kjo zhurmë prodhohet vetëm nga mushkonjat femra. Sipas ekspertëve, mushkonjat e gjinisë së kundërt i injorojnë mushkonjat femra kur ato nuk janë në lëvizje. Por kur një mushkonjë rreh flatrat, atëherë mashkulli kërkon të çiftohet.

Kush bën më shumë zhurmë: Femra apo mashkulli?

Në planet ekzistojnë rreth 3000 specie mushkonjash. Asnjë prej mushkonjave meshkuj nuk ushqehet me gjak njeriu, ndaj është e lehtë të besohet se femrat bëjnë atë zhurmën bezdisëse që na lë pa gjumë. Por kjo nuk do të thotë që mushkonja mashkull nuk i rreh flatrat, sepse edhe këtij insekti i duhet të ushqehet.

Përse insektet të pickojnë më shumë ty se të tjerët?

Shpesh mund t'ju duket sikur mushkonjat ju pickojnë më shumë se të tjerët dhe nuk jeni të gabuar.

Sipas ekspertëve, ka disa arsye që mbështesin këtë teori.

Mushkonjat tërhiqen shumë pas djersës, nxehtësisë dhe gjakut, dhe jo, shprehja që dëgjojmë rëndom: “gjaku është i ëmbël ndaj pickojnë mushkonjat,” nuk vlen.

Ekspertë rekomandojnë përdorimin e solucioneve kundër insekteve në shtëpi dhe për lëkurën që të mbani mushkonjat e etura për gjak./AgroWeb.org