web counter
LEXO PA REKLAMA!

SHKARKO APP

App Store
Google Play

OBSH: COVID-19 nuk është më një emergjencë shëndetësore globale

5 Maj 2023, 16:17, Shëndeti CNA

OBSH: COVID-19 nuk është më një emergjencë

COVID-19 nuk është më një emergjencë globale shëndetësore, tha të premten Organizata Botërore e Shëndetësisë.

Komiteti i Urgjencës i Rregulloreve Ndërkombëtare të Shëndetit të OBSH-së diskutoi çështjen e pandemisë të enjten në takimin e 15-të mbi COVID-19 dhe Drejtori i Përgjithshëm i OBSH-së, Tedros Adhanom Ghebreyesus, u pajtua që COVID-19 nuk përben më një shqetësim.

"Për më shumë se një vit, pandemia ka pësuar rënie," tha Tedros në një konferencë shtypi të premten”. Shumica e vendeve i janë rikthyer jetës normale siç ishte përpara pandemisë COVID-19," tha Tedros.

Organizata e shpalli shpërthimin e koronavirusit si një emergjencë të shëndetit publik me shqetësim ndërkombëtar në janar 2020, rreth gjashtë javë përpara se ta karakterizonte atë si një pandemi.

Shtetet e Bashkuara do të lejojnë që COVID-19 të mos jetë më një emergjencë shëndetësore më 11 maj.

Ka pasur më shumë se 765 milionë raste të konfirmuara COVID-19 që nga fillimi i pandemisë, sipas të dhënave të OBSH-së. Gati 7 milionë njerëz kanë ndërruar jetë. Evropa ka shënuar numrin më të madh të personave të prekur, por Amerika ka raportuar më shumë vdekje. Rreth 1 në 6 vdekje totale kanë qenë në SHBA.

Tani, rastet dhe vdekjet me COVID-19 janë afërsisht më të ulëtat që kanë qenë në tri vjet. Megjithatë, më shumë se 3,500 njerëz ndërruan jetë në javën e fundit të prillit dhe miliarda mbeten të pavaksinuar./ Përshtatur nga CNA.al

 





Lajmet e fundit nga