web counter
LEXO PA REKLAMA!

SHKARKO APP

App Store
Google Play

E fundit!

x

“Arcturus”, varianti i ri i COVID-it që po përhapet me shpejtësi/ Simptomat, nga kruarja e syve te kolla

2 Maj 2023, 13:32, Shëndeti CNA
“Arcturus”, varianti i ri i COVID-it që po përhapet me
Foto ilustruese

Organizata Botërore e Shëndetësisë (OBSH) po monitoron nga afër variantin e ri të virusit korona, i cili besohet se ka shkaktuar një rritje të re të rasteve të të infektuarve.

Varianti XBB.1.16, i quajtur Arcturus, është i ngjashëm me variantin Kraken XBB.1.5, më infektuesi deri më tani, sipas përfaqësueses së OBSH-së Marija Van Kerkov.

Deri më tani, numri më i madh i rasteve është identifikuar aty ku u zbulua për herë të parë lloji i ri - në Indi, e cila është një nga vendet e pakta në botë ku numri i rasteve të regjistruara me COVID-19 po rritet, sipas OBSH-së. Varianti është zbuluar edhe në SHBA, por aktualisht nuk përfaqëson as një për qind në nivel kombëtar.

Por cilat janë disa nga simptomat që identifikojnë këtë variant të COVID-19?

1. Sipas ekspertëve shëndetësorë, COVID-19 është ende një shkak kryesor i vdekjeve në mbarë botën, duke përfshirë Shtetet e Bashkuara, ku mesatarisht ka rreth 250 vdekje në ditë.

2. Organizata Botërore e Shëndetësisë aktualisht po e klasifikon XBB.1.16 ose Arcturus si një “variant nën monitorim”, i cili është më pak serioz se variantet e reja të COVID-it. Megjithatë, klasifikimet janë fluide dhe mund të ndryshojnë në çdo kohë.

3.  Ky variant ka një shkallë transmetueshmërie më të lartë se llojet e mëparshme.

4. Varianti i ri sjell me vete një simptomë krejtësisht të re të COVID-19: konjuktivitin, i njohur gjithashtu si syri rozë, i cili shpesh kombinohet me kruajtje.

 5. Arcturus është përgjegjës për një rritje të numrit të rasteve të COVID-it në disa pjesë të botës, duke përfshirë Indinë, ku kruarja e syve është raportuar më shpesh te fëmijët, së bashku me simptomat tipike të gripit me kollë e ethe.

6. XBB.1.16 është zbuluar në 22 vende, duke përfshirë Shtetet e Bashkuara.

7. Arcturus është përhapur më së shumti në Arkansas, Luiziana, New Mexico, Oklahoma dhe Teksas. 

9. Ky variant sipas studiuesve nuk ka gjasa të rëndojë shëndetin, kjo pasi njerëzit janë vaksinuar dhe kanë imunitet më të lartë pas infeksionit të mëparshëm./ CNA.al





Lajmet e fundit nga