web counter
LEXO PA REKLAMA!

SHKARKO APP

App Store
Google Play

Studimi kinez/ Si ndikojnë patatet e skuqura në shëndetin tonë mendor

27 Prill 2023, 16:39, Shëndeti CNA

Studimi kinez/ Si ndikojnë patatet e skuqura në shëndetin

Për ata që nuk mund t'i rezistojnë patateve të skuqura, lajmet nuk janë të mira.

Patatet e skuqura mund të kenë pasoja negative për shëndetin mendor të konsumatorëve , pohon një grup shkencëtarësh nga provinca Hangzhou, Kinë.

Hulumtimet tregojnë se konsumimi i shpeshtë i ushqimeve të skuqura, veçanërisht patateve të skuqura, mund të rrisë rrezikun e ankthit me 12% dhe rrezikun e depresionit me 7% krahasuar me ata që zgjedhin të hanë shëndetshëm.

Veçanërisht, rreziku i ankthit dhe depresionit ishte më i lartë tek konsumatorët e rinj.

Kujtohet se ushqimet e skuqura tashmë janë futur në “listën e kuqe” për shfaqjen e obezitetit, tensionit të lartë dhe problemeve të tjera shëndetësore.

Por ekspertët që studiojnë ushqimet thonë se rezultatet e këtij hulumtimi kanë nevojë për hetime të mëtejshme dhe nuk është e qartë nëse ushqimet e skuqura shkaktojnë probleme të shëndetit mendor, apo nëse njerëzit me depresion ose ankth u drejtohen këtyre pjatave të lehta për rehati. 

Studimi kinez studio sjelljen e 140,728 njerëz për 11.3 vjet. Pas përjashtimit të pjesëmarrësve të diagnostikuar me depresion në dy vitet e para, pati 8,294 raste ankthi dhe 12,735 raste të depresionit në mesin e personave që konsumojnë  ushqime të skuqura.

Përveç kësaj, ata që hanin patate të skuqura kishin një rrezik 2% më të lartë për depresion sesa ata që hanin mish të bardhë të skuqur.

Në hulumtimin e ri, shkencëtarët arritën në përfundimin se akrilamidi është fajtor për rritjen e rrezikut të ankthit dhe depresionit .

Ky është një kimikat që krijohet në procesin e skuqjes, veçanërisht në patate të skuqura./Përshtatur nga CNA.al





Lajmet e fundit nga