E fundit!

17:32 Politikë

Zbulohet propozimi i PS-së për Reformën Territoriale/ Ja në sa bashki pritet të ndahet vendi

Mbledhja e Komisionit të Posaçëm për Reformën Administrati...

Jo vetëm për procedura estetike/ Përfitimet shëndetësore të botox-it

19 Mars 2024, 22:40, Shëndeti CNA

Jo vetëm për procedura estetike/ Përfitimet

Botox-i redukton shfaqjen e rrudhave, duke ju dhënë rini dhe shkëlqim natyral.

Botox-i, proteina neurotoksike, njihet dhe përdoret më së shumti për procedurat estetike.

Në 30 vite, botox-i është bërë një element kryesor i përmirësimit kozmetik, por sot përdorimet e tij terapeutike po zgjerohen për të mbuluar një sërë problemesh shëndetësore, nga migrena kronike dhe deri te spazmat e qepallave.

Një nga karakteristikat kryesore të botox-it është se gjithmonë bën të njëjtën gjë, pavarësisht se ku dhe për çfarë përdoret.

Toksina e fuqishme vjen nga një bakter i quajtur clostridium botulinum dhe vetia kryesore e tij është të shkaktojë paralizë. Botox-i injektohet në pikën që ju intereson dhe parandalon mbaresat nervore që të çlirojnë neurotransmetuesit përgjegjës për tkurrjen e muskujve, duke i bërë ata të paaftë të kontraktohen.

Por për çfarë përdoret botox-i përveçse në trajtimet estetike?

Migrenën kronike

Injeksionet e botox-it mund të ndihmojnë në reduktimin e shpeshtësisë së migrenës. Trajtimi sugjerohet kryesisht te njerëzit që kanë dhimbje koke të forta për 15 ose më shumë ditë në muaj.

Hiperhidrozën primare

Në vitin 2004, Administrata Amerikane e Ushqimit dhe Barnave (FDA) miratoi botox-in për të trajtuar hiperhidrozën e rëndë primare aksilare, djersitje të tepërt në sqetull, pëllëmbë dhe shputa te pacientët që nuk mund të marrin antidjersë.

Sindromën e fshikëzës

Është një sindromë kronike dhe shpesh dobësuese që rezulton nga mosfunksionimi i traktit urinar të poshtëm dhe që ndikon negativisht në cilësinë e jetës së 11-19% të popullsisë së botës. Shkakton nevojën e papritur urgjente për të urinuar, edhe kur fshikëza nuk është plot. Vetitë paralitike të botox-it mund të ndihmojnë edhe këtu, FDA e miraton përdorimin që nga viti 2013.

Dridhjen e syve

Blefariti shfaqet kur sytë dridhen në mënyrë të pavullnetshme. Një injeksion botox ndihmon duke relaksuar muskujt rreth syve që kontrollojnë qepallat, dhe mund të përdoret gjithashtu për të relaksuar muskujt që kontrollojnë lëvizjen e syve për të trajtuar strabizmin./ CNA